Велигденско благо: Направете чоколадни зајчиња и јајца, полнети со путер од кикиритки
Бели и чоколадни јајца и зајчиња, полнети со путер од кикиритки, кои се подготвуваат едноставно, а ќе ви ја украсат трпезата - идеален десерт за велигденските празници.
Доколку сте од оние кои сакаат трпезата да ја украсат тематски, во случајов велигденски, тогаш овие чоколадни зајчиња и јајца ќе ви завршат голема работа.
Иако изгледа како долга, постапката е всушност многу едноставна и доволно ќе ви биде само еднаш да ја прочитате за да знаете што треба да правите напамет.
Потребни состојки:
- 115g солен путер, стопен и изладен
- 480g путер од кикиритки
- 50g шеќер
- 1 лажица екстракт од ванила
- 450g шеќер во прав
- 500g бел или млечен чоколаден чипс или чоколадо
Начин на подготовка:
- Измиксирајте ги стопениот путер, путерот од кикиритки, шеќерот и ванилата, додека да добиете мазна и кремаста смеса.
- Додадете го шеќерот во прав и мешајте додека не се соедини.
- Истурете ја мешавината во плех врз хартија за печење и со прсти истискајте ја смесата за рамномерно да ја распоредите, со дебелина од околу 1cm.
- Ставете ја смесата во фрижидер околу 15 минути да се излади, а откако ќе ја извадите поставете ја на даска за сечење или друга тврда површина.
- Со калапи во форма на зајак и јајце, направете форми од смесата и наредете ги во плех и вратете ги во фрижидер.
- Доколку ви остане од смесата, можете да ја повторите постапката со израмнување и повторно сечење со калапи.
- По 25 минути ладење, почнете да го подготвувате чоколадниот фил, така што ќе го стопите чоколадото (ако правите посебно бело и млечно за да имате кафеави и бели форми, ставете ги во посебен сад) во микробранова или на пареа.
- Вадете по 2 форми од фрижидерот (не сите одеднаш, бидејќи брзо омекнуваат) и увалкувајте ги убаво во стопеното чоколадо од сите страни, оставајќи вишокот да се исцеди, па редете ги на хартија за печење.
- Оставете формите да се стврднат во фрижидер, а потоа ако сакате можете да ги декорирате по желба со стопено чоколадо или со други додатоци.
М. М. | Црнобело
Би можело да ве интересира:
Направете вкусни чоколадни брауни колачиња со капини - прсти ќе излижете
Кога ќе се спојат вкусно црно чоколадо и капини, ќе добиете идеален десерт – чок...
Јајца на око со виршли во форма на цветови - децата ќе ги обожаваат (видео)
Едноставен рецепт за јајца на око со виршли цветови, кој, освен што се спрема бр...
Шеќерни крофни со цимет и путер, меки како душа
Крофните со шеќер, цимет и путер се најмеките крофни што некогаш ќе ги пробате. ...
Брз и хранлив оброк: Јајца со кисело млеко или павлака, на турски начин
Пржените јајца честопати се дел од нашите оброци, а најчесто ги подгот...
Вкусни бомбици од 2 состојки за кога немате ништо благо дома
Кога немате ништо благо дома, можете да си подготвите бомбици од само 2 состојки...
Прсти да излижете: Баунти колач со кокос и Орео колачиња, што не се пече
Од овој колач задолжително ќе барате парче плус, а е омилен им е на сите оние шт...
Препорачуваме
Најчитани неделава
