Брз ручек: Тестенини со спанаќ, брзо и едноставно

Овој рецепт е едноставен и потребните состојки можат да се најдат во најблиската продавница.

Лесен и брз, може да го приготвите за ручек или вечера.

Потребни состојки за две лица:

• 4 парчиња пилешки копани, исечкани на парченца
• Маслиново масло
• 1 чешне лук, ситно исечкано
• Каранфилче, по желба
• 200g тестенини
• 400g спанаќ, чистен и измиен
• Мајчина душичка, по желба

Подготовка:

Се ставаат два садови со вода да зовријат.

Пилешкото посолете го и зачинете го со малку каранфилче и со лукот. Пржете го додека не зарумени.

Во меѓувреме ставете го спанаќот да се вари неколку минути сè додека не омекне. Сварете ги и тестенините.

Измешајте го пилешкото со спанаќот (претходно исцеден).

Со така направениот сос прелијте ги сварените тестенини и додајте мајчина душица како зачин.

Уживајте во специјалитетот!

Н. Т. | Црнобело