За 20 минути од 4 состојки: Чиа џем

Ако решивте оваа есен да се посветите на домаќинските работи, додадете уште една на списокот – брз, здрав џем со чиа семки.

Чиа семките станаа чест гостин во нашите чинии и смутија, добро сме запознаени со нивните придобивки, па затоа сега ги вметнуваме и во зимницата.

Суперхраната која е богата со омега-3 масни киселини, протеини и влакна сега може да ја консумирате во супер слатко издание.

Потребни состојки за овој брз џем:

• 2 шолји исечкано овошје по желба
• 1-2 лажици сок од лимон
• 1-2 лажици мед или јаворов сируп
• 2 лажици чиа семки, или повеќе по желба

Подготовка:

Исчистете го и исечкајте го ситно овошјето кое го одбравте. Варете го во сад додека не добиете кашеста смеса. Додадете го медот и сокот од лимонот.

На крај додадете ги чиа семките и продолжете да варите уште 5 минути. Почекајте смесата малку да се згусне, па префрлете ја во тегличка.

Чиа џемот може да го консумирате на парче леб, со колачиња, во мусли или овесна каша, како и да го додадете во павлака и да направите овошен јогурт.

М. Д. | Црнобело