Рецепт за домашно лепче без квасец

Во маркетите деновиве има празни полици за брашно и наидувам секој ден на бабички кои бараат квасец кој исто така се распродава со брзина на светлината. Но, без грижа, можете да си направите домашно лепче и без квасец.

Што ви е потребно?

Состојки:

• 500g брашно (по избор)
• 310ml млеко
• 2 лажици прашок за печиво
• 2 лажици масло
• 1 лажица сол

Подготовка: 

Загрејте ја рерната на 200 степени.

Помешајте ги сувите состојки - брашното, прашокот за печиво, солта. Додадете ги млекото и маслото и замесете со рака. Гледајте тестото да не биде подебело од 3cm за да се испече добро. 

Тестото префрлете го во калап и оставете да се пече 40-50 минути.

Во лебот без квасец можете да додавате и различни семки по ваш избор.

Е. П. | Црнобело