Актери кои ја пренеле својата романса од малите екрани во реалниот живот

Постојат многу филмови и серии во кои актерите, кои толкуваат љубовници, имаат толку добра хемија што е тешко да се верува дека не се заедно и во реалниот живот.

Ова генерално не е точно, но актерите често се заљубуваат едни во други, токму кога се пар во некој филм или серија.

Постојат многу такви примери, а во следните редови ќе ги откриеме најпознатите...

Кит Харингтон и Роуз Лесли (Game of Thrones)

„You know nothing Jon Snow“ е познатата реченица што Игрит (Роуз Лесли) му ја кажа на Џон Сноу (Кит Харингтон) во серијалот „Игра на тронови“.

Тие сè уште не беа љубовници во серијата во тој момент, но на сите им беше очигледно дека ќе се заљубат, порано или подоцна. Може да се каже дека беше очигледно дека романсата меѓу Кит и Роуз ќе продолжи во реалниот живот.

Тие започнаа да се дружат во 2012 година, а на 23 јуни минатата година, официјално станаа маж и жена.

Рајан Гослинг и Рејчел Мек Адамс (The Notebook)

Интересно е што Рајан и Рејчел не се поднесувале на почетокот. Режисерот, Ник Касаветес, во една прилика изјавил дека Рајан дури инсистирал Рејчел да биде сменета, бидејќи, наводно, била тешка за соработка.

Меѓутоа, како што филмот се доближувал кон крајот, и двајцата пронашле  заеднички јазик и на крајот станале љубовници. Врската помеѓу Рајан и Рејчел траела од средината на 2005 година до средината на 2007 година.

Ештон Кучер и Мила Кунис (That '70s Show)

Ештон и Мила се запознале уште во 1998 година, кога биле дел од актерската екипа на популарната серија. Ликовите што ги толкувале во серијалот, Келсо и Џеки, беа заедно. Ештон и Мила, од друга страна, започнале да се дружат во 2012 година.

После три години се венчале, а денес имаат две деца.

Бред Пит и Анџелина Џоли (Mr. & Mrs. Smith)

Малкумина беа изненадени кога беше објавено во 2005 година дека Бред и Анџелина се заедно. Со месеци пред тоа, се шпекулираше дека постои нешто повеќе од професионална врска меѓу партнерите во филмот „Mr. & Mrs. Smith“.

Бред и Анџелина се венчаа во 2014 година, но по две години се разведоа.

Пенелопе Круз и Хавиер Бардем

Хавиер и Пенелопе се запознале на снимање на еден шпански филм во 1992 година. По снимањето останале во добри односи, но не биле ништо повеќе од пријатели.

Во првата декада на 21 век, обајцата станале големи холивудски sвезди, а во 2008 година повторно глумеле заедно во филмот на Вуди Ален: „Вики, Кристина, Барселона“. 

После овој филм ја започнале својата врска, а во јули 2010 година, се венчаа на приватниот остров на Бахамите. Денес имаат две деца.

Ашера | Црнобело