„Frozen 2“ е уште еден Disney филм од 2019-та кој достигна над 1 милијарда долари

Disney продолжува да ги руши сопствените рекорди. Компанијата објави дека „Frozen 2“ во саботата ја надмина границата од 1 милијарда американски долари, со што стана шестиот филм од студиото што успеа во тоа годинава.

Најочекуваното продолжение на бомбастичниот блокбастер за 2013-та година „Frozen“ пристигна во кината една недела пред Денот на благодарноста и заработи 127 милиони долари за време на своето домашно деби.

Аналитичарите одамна предвидуваа дека ова анимирано продолжение ќе ја премине границата од 1 милијарда долари, особено по жестоката популарност и следењето на неговото првенче.

„Frozen 2“ моментално претставува шесто издание на Disney филмовите за 2019-та година кои го преминале прагот од 1 милијарда американски долари и со „Star wars“ (кој е предодреден да се приклучи на клубот од една милијарда американски долари за многу брзо време), Disney студиото ќе ужива во многу среќни и плодни празници, вели Пол Дергарабедијан, висок аналитичар за медиуми во „Comscore“.

„Captain Marvel“, „Aladdin“, „The Lion King“, „Avengers: Endgame“ и „Toy Story 4“ исто така ја надминаа маркицата на 1 милијарда долари оваа година за Disney.

„Frozen 2“ е прогласен за седмо најголемо анимирано издание на сите времиња низ целиот свет, соопшуваат од Disney.

Имено, Дизни не го смета својот неодамнешен филм „The Lion King“ како анимиран. Тој е класифициран како акција во живо, иако целиот, освен една снимка од филмот, бил пренесен дигитално.

Доколку го вклучиме и него, „Frozen 2“ ќе биде осмото најголемо анимирано издание на сите времиња на глобално ниво.

Да не заборавиме на фактот дека првиот дел на „Frozen“ освои два Oскари - за најдобар анимиран филм и за оригинална песна, а донесе приход од 1,27 милијарди долари.

Во продолжението на хитот од 2013-та година, ликовите тргнуваат на опасно патување во кое бараат одговори за магичните сили на Елса.

Како позајмувачи на гласовите на најистакнатите главни улоги ги издвојуваме Кристен Бел како Ана и Индина Мензел како Елса.

Во продолжение погледнете го трејлерот на овој светски анимиран филм:

Мила М. | Црнобело