Со кој пијалак Кортни Кардашијан ја одржува совршената линија?

Детали

четврток, 24 август 2017

Познатата американска ТВ ѕвезда, Кортни Кардашијан изгледа подобро од кога било, а тоа се должи на редовните тренинзи и здравата исхрана.

Најстарата сестра од семејството Кардашијан, која е мајка на три деца, многу внимава што внесува во организмот. Сите намирници од нејзиното мени се органски, а исхраната ѝ се базира на свежо овошје и зеленчук, риба и салати.

Неодамна, Кортни откри и како ја одржува нејзината совршена витка линија. Таа секој ден пие детокс-вода со краставица, лимон и ѓумбир кои го забрзуваат метаболизмот и истовремено го зајакнуваат имунитетот.

Погледнете го целиот рецепт и почнете и вие да го консумирате ако сакате да изгледате добро.

Потребни состојки:

• ½ краставица
• ½ лимон
• 2 свежи корени ѓумбир
• 1 лимета
• 10-12 свежи ливчиња нане
• малку хималајска сол

Подготовка:

Исечете ги краставицата, лимонот и лиметата на ситни парчиња, а ѓумбирот на коцки.

Сите состојки ставете ги во голем сад со вода и на крај додадете ги ливчињата нане.

Пијалакот консумирајте го во текот на целиот ден.

М. В. | Црнобело