Водно ѝ е љубов, а тенисот омилен спорт: Најдобрите спортски изданија на Елена Ристеска (фото)
- Детали
- вторник, 28 ноември 2017
За пешачење на Водно, за во фитнес центарот или за на тенис, црните хеланки ѝ се омиленото парче на Елена Ристеска во спортските аутифити.
Вежбањето сè повеќе станува дел од културата на живеење како во светот, така и во Македонија. Ова особено важи за ѕвездите, кои вложуваат навистина многу време и напор за да изгледаат беспрекорно.
Помеѓу вљубеничките во активниот начин на живот е и Елена Ристеска. Пејачката постојано пешачи на Водно и изјавува дека оваа планина ѝ е вистинска љубов.
Таа, исто така, обожава да мине неколку часа во седмицата и во фитнес центарот, каде се ослободува од сета негативна енергија и ги полни батериите.
Кога е спортот во прашање, атрактивната бринета вели дека за неа на пиедесталот е тенисот. Иако во моментов не е активна на тоа поле, вели дека уживала во него додека тренирала и се кае што не се запишала на тенис уште како дете. Тие три часа тренинзи во текот на седмицата ја полнеле со енергија, па нема да биде воопшто чудно ако еден ден повторно му се врати на овој спорт.
Во едно интервју, по учеството во шоуто „Твоето лице звучи познато“ во 2014 година, каде целиот регион, покрај од талентот, беше воодушевен и од нејзиниот изглед во улогите на Џенифер Лопез и Бијонсе, Елена откри дека главно правило во исхрана ѝ е да не јаде по осум часот навечер, а ако навистина не може да го скроти гладот тогаш тоа да биде само чаша чај, јогурт или свежо цеден сок.
Кога е спортската облека во прашање пејачката вели: „Ќе престанам да носам црно кога ќе измислат потемна боја“, но сепак нејзините спортски аутфити од време навреме сака да ги зачини со розови, црвени и бели парчиња.
Погледнете дел од нејзините најдобри спортски изданија:
С. С. | Црнобело