Сите мислеа дека е мртов, 25 години е во среќен брак – Факти за омилениот негативец од латиноамериканските сапуници

Минатата година на социјалните мрежи се појави информација дека починал, но Цезар Евора сѐ уште работи на нови ТВ проекти. Побегнал од родната Куба за да им обезбеди подобра иднина на децата и сопругата, но во Мексико се вљубил во друга жена, со која е во среќен брак повеќе од 25 години – Што знаеме за омилениот негативец од латиноамериканските сапуници?

Оние што во минатото гледале латиноамерикански сапуници, сигурно се сеќаваат на актерот Цезар Евора, кој најчесто ги толкуваше улогите на негативците во сериите.

Најмногу го помниме по улогата во сериите „Маријана“ и „Љубов и омраза“, а беше препознатлив по длабокиот глас и харизмата.

Цезар е еден од латиноамериканските актери кои тешко се забораваат, а во продолжение неколку интересни факти за него што можеби не сте ги знаеле:

Цезар Евора е роден во Куба, на 4-ти ноември 1959-та година и иако сакал да стане актер, сепак одлучил да студира геофизика.

Сосема случајно одлучил да оди на аудиција, каде бил избран од 500 други учесници за да ја одигра својата првата улога.

Во 1999-та година одлучил да замине во Мексико и да побара работа таму, а во Куба веќе бил оженет и имал 2 деца - Рафаел и Маријана.

Во Мексико брзо нашол работа, но му било тешко што бил оддалечен од децата:

„Отсекогаш имавме добра комуникација и секогаш бевме многу поврзани. Се обидувавме да поминуваме колку е можно повеќе време заедно.

Ги носев во Мексико на одмор, а ги земав со мене во студиото кога работев на снимање“ – рече тој во една прилика и откри дека главна причина заради која одлучил да замине од Куба била за да обезбеди подобра иднина за своите деца.

#CesarEvora #MarianaEvora #RafaelEvora bellos😍😍😍😍 pic.twitter.com/XR9yViZUTz

— CesarEvora_FansClub (@CesarEvora_FC) January 7, 2015

Во Мексико, Цезар ја запознал убавата Вивен Домингез, која потоа ќе му стане сопруга и со неа ќе добие уште една ќерка, Карла.

Цезар прво отишол во Куба за да се разведе од првата сопруга, па се вратил во Мексико за да се ожени со Вивиен.

Цезар има одиграно најмногу улоги со неговата колешка Викторија Руфо, со која се појавија и во серијата „Маќеа“.

Тие заедно играле во шест филмови, а со оглед на тоа што секогаш глумат брачен пар, публиката дури и ги доживува како да се заедно.

„Навистина е импресивно, тоа е интересен општествен феномен за проучување. Јас и Викторија работевме заедно на повеќе проекти и публиката нѐ прифаќа како да сме вистински пар, но секој од нас има посебен живот, посебно семејство“ – вели тој и додава дека се соочил со закани по живот во моментот кога продуцентите одлучиле да ја заменат Викторија со друга актерка, па публиката побеснела затоа што тој ја „изневерил“ со друга актерка.

Во 2022-ра година на социјалните мрежи почнаа да се шират гласини дека актерот починал, а тој вели дека не е првпат да се појават такви шпекулации за него.

Тој годинава треба да игра во нов проект, а не престана да работи ниту во време на ковид пандемијата.

Прочитајте и Заводниците од латиноамериканските теленовели - како изгледаат денес Ранду, Луи Давид и останатите?

Б. С. Б. | Црнобело