Подгответе: Вкусни и необични салати од лубеница

Бидејќи лубеницата е зеленчук по дефиниција, и покрај тоа што изобилува со шеќер и слатка водена средина, сепак е одлична за комбинирање со солени плодови.

Може да се зачудите колку вкусна може да биде слатко-солената салата со фета, кромид, нане, зелена салата и што ли уште не.

Ова се неколкуте храбри салати од лубеница кои може да ги подготвите уште денес.

Подготовка на салата број 1: Исецкајте лубеница на мали коцки, краставичка на малку поситни, малку ротквица и кромид по желба, зелена салата и изрендајте свежо, солено сирење. Супер освежителна салата за било кој дел од денот!

Подготовка на салата број 2: Слатката лубеница исецкајте ја на крупни коцки, исецкајте малку кромид најситно што можете и проросете нане. Супер додаток со печено месо или пак печени компири.

Подготовка на салата број 3: Зелена салата, коцки кубети, солено сирење и парченца лубеница. Додадете сол и маслиново масло по желба. Идеална комбинација за вкусна и здрава вечера.

Подготовка на салата број 4: Ситно исецкана лубеница, но овој пат потпечена на скара, додадете малку сиренце одозгора и неколку ливчиња магдонос. Супер предјадење!

Подготовка на салата број 5: Исечете големи коцки лубеница, додадете зачини по желба и прелијте со растопен кашкавал или пак ситно рендан пармезан. Идеален начин да се изненадите со нешто лесно, а вкусно.

Подготовка на салата број 6: Ситно исецканите коцки лубеница прелијте ги со песто сос и додадете лут кромид. Пикантен вкус кој нема да го заборавите.

Подготовка на салата број 7: Покрај сирењето и коцките лубеница, одлично би било ако додадете и малку непечени семки од сончоглед и црни, солени маслинки. Супер слатко-солен меѓуоброк!