Најнабилданата баба во светот - Вежба 6 пати неделно и денот го започнува со протеини

Робин Хилис е баба која има 3 внуци и која во минатото имала големи проблеми со нејзината самодоверба.

Но, кревањето тегови ѝ помогнало да се ослободи од срамот, а уште на нејзиниот прв бодибилдинг натпревар, таа го освоила второто место.

48-годишната Робин од Канада работи како затворски стражар. Во 1989-та година таа го напуштила средното училиште и се зачленила во теретана. За многу кратко време, кревањето тегови станало нејзина страст.

https://www.instagram.com/p/B5SWW_Zlw4D/

Робин тежи 90 килограми, а успеала да ја зачува нејзината форма за време на и по бременоста со нејзините ќерки Кортни и Кејти. Ќерките и трите внуци отсекогаш ѝ биле најголемата поддршка.

„Кога моите девојчиња беа млади, доаѓаа на секој натпревар и го извикуваа моето име. Ми помагаа со косата и доаѓаа во теретана за да ме охрабрат да продолжам“, вели гордата мајка.

Робин тренира 6 пати неделно кога се подготвува за натпревар, а 5 пати неделно надвор од сезона. Се натпреварува барем два пати годишно и верува дека токму бодибилдингот ја научил да верува во себе.

Во 2014-та година, таа станала дел од Интернационалната федерација за бодибилдинг и фитнес, па сега се натпреварува во најпрофесионалните лиги ширум светот.

Вообичаениот ден на Робин започнува во 6 наутро, со 20-минутен интензивен кардио тренинг. Потоа следува појадок богат со протеини. Попладне Робин оди во теретана, а денот го завршува со 20 минути на лента за трчање.

Таа внимава на својата исхрана, но не брои каолории. Јаде 5 пати во денот, а признава и дека ужива во сушито и одвреме-навреме сака да се почасти со чоколадо.

„Бодибилдингот ме научи дека треба време и истрајност за да постигнете некоја цел. Истовремено, ме научи да верувам во себе. Па ако сакате да се откажете, побарајте помош, читајте и едуцирајте се и најважно од сè, бидете истрајни“, советува Робин.

https://www.instagram.com/p/B4ezP5pl_Hy/

Спирова С. | Црнобело