Вие прашувате, македонски сексолог одговара: „Се шири ли вагината од премногу секс?“

Дали вагината се проширува и партнерот може да почувствува разлика кај вагината на жената што често има секс и кај онаа што нема? Ова е едно од прашањата на кои за CRNOBELO.com, одговара докторката, клинички сексолог Фросина Крстаноска.

На Инстаграм профилот на CRNOBELO.com читателите имаа можност да постават прашања поврзани со сексуалното здравје, упатени до докторката Фросина Крстаноска.

Погледнете ги одговорите на д-р Крстаноска на поставените прашања од читателите:

1. Дали вагината останува долгорочно проширена по сексуалните односи? Секако не во иста мера, но дали може да се почувствува разлика помеѓу жена која има често секс и жена која не практикува секс често?

Вагината е растеглив орган, составена е од мускули и слузокожа и затоа се прилагодува, шири и издолжува за полов однос без разлика на големината на пенисот.

Не може да се почувствува разлика во вагината со оглед на честота на полови односи.

Тоа се случува и за време на породување. 

Единствено во староста кога се намалува колагенот и еластичноста за време на менопауза се случува ширење на вагината и доаѓа до појава на „лабава вагина“ што е природен феномен.

По породувањето по вагинален пат исто се шири вагината, но не трајно.

Исто така, постојат и третмани за вечна младост на вагината - подмладување со ласер и радиофрекфенција со цел да се постигне потесна (tight) вагина, што е релативно успешно.

2. После 10 години пауза од секс, колку време му треба на телото за да се навикне повторно на сексуални односи?

Интересно прашање.

Секако, одговорот е неопределен кога не е позната причината за пауза од 10 години - дали се работи за психичка, телесна или комбинирана дисфункција? Добро би било добро да се побара помош од сексолог.

Половата желба, возбуда и оргазам не се феномени врзани само на партнерскиот однос, па не треба да се занемари мастурбацијата за повторно самоспознавање и стекнување доверба.

Никогаш не е доцна за повторно да сме полово активни.

Прочитајте и Вие прашувате, македонски сексолог одговара: „Зошто партнерот не сака да има секс со мене откако се породив?“

На вашите прашања одговара д-р Фросина Крстаноска - интернист и хематолог, и член на Европскиот комитет за сексуална медицина (FESCM).

Вработена како клинички сексолог во Аџибадем Систина

©CRNOBELO.com Забрането преземање и копирање. Крадењето на авторски текстови е казниво со закон.

фото: freepik.com