Не ти недостасува бившиот, ти недостасува чувството на љубов

Мислиш дека тој ти недостасува? Мислиш дека ти недостасува начинот на кој те држеше за рака во летните месеци, начинот на кој се смееше? Или како ти го извикуваше името?

Вистината е следнава – тебе ти недостасува љубов.

Не ти недостасува неговата рака. Ти недостасува рака која ќе те прифати. Не ти недостасува начинот на кој те тешеше кога беше ранлива, ти недостасува човек покрај тебе. Ти недостасува љубов која никогаш нема да те напушти.

Ти недостасува доверба.

Ти недостасува некој на кој ќе му ги кажеш сите тајни и желби, а тој ќе ужива додека те слуша. Ти недостасува некој на кој ќе можеш да се потпреш. А, не некој кој побегна кога не се ни надеваше на крај.

Само не ја мешај таа твоја осаменост и таа дупка во срцето со недостасување на него.

Веќе не го познаваш. Можеби никогаш ни не си го познавала. Ти веќе не ја знаеш таа личност. Веќе не знаеш која му е омилената кошула. Не знаеш што пие, каква музика сака, и сигурно не сакаш да знаеш на кого му се насмевнува кога работниот ден ќе заврши.

Веќе не го познаваш мажот кој си го сакала.

Што значи, не може да ти недостасува некој кој за тебе е странец. Не може да ти недостасува некој обичен познаник. Дух од минатото. Спомен.

Оваа празнина која ја чувствуваш не е заради тоа што тој е отсутен. Тоа е само отсуство на љубов. Чувство на нечија близина. Всушност, тебе ти недостасува некој кој ќе го сакаш.

Твојот поранешен е сега далеку од тоа. Луѓето се менуваат од минута во минута, од ден на ден. Бидејќи секој ден носи нешто ново. И затоа прифати дека имаш само потреба да бидеш потребна некому.

Имаш потреба да бидеш обожавана.

И во тоа нема ништо лошо. Нема ништо лошо во желбата за љубов. Само не ја мешај со желбата за љубов од минатото.

Ти недостасува љубов. Не тој. Ти веќе не ни знаеш кој е и каде е, но добро знаеш што е љубов.

Тоа е чувство кое ќе трае засекогаш. А, тоа сигурно не е мажот кој те напушти пред неколку месеци.