Ниско ниво на тестостерон: Кои се најчестите симптоми и може ли да се спречи?

Намаленото либидо и еректилната дисфункција се едни од најчестите симптоми на ниско ниво на тестостерон. Што треба да знаете за оваа појава и може ли да се спречи?

Тестостеронот е главниот полов хормон кај мажите кој контролира важни процеси во телото.

Сепак, кај некои мажи се намалува лачењето на тестостерон, што може да предизвика разни симптоми.

Што е тестостерон и која е неговата функција?

Тестостеронот е главниот полов хормон кај мажите и е клучен за развојот на машкото тело.

Се лачи во тестисите по „наредба“ од сигналите што ги праќа хипофизата, која е сместена во мозокот.

Тестостеронот има влијание врз неколку важни процеси во телото вклучувајќи:

• Развој на машките полови органи
• Продлабочување на гласот за време на пубертет
• Растење на влакната на лицето и половите органи за време на пубертет (подоцна во животот може да има улога и во ќелавењето)
• Растење и зајакнување на мускулите
• Растење и зајакнување на коските
• Либидо
• Производство на спрема

Тестостеронот може да има влијание и врз расположението, а се претпоставува дека има други функции кои досега не се откриени.

Иако е наречен машки хормон, и во женското тело се лачи тестостерон, и тоа од јајниците и од надбубрежната жлезда.

Кај жените, нивото на тестостерон е значително помало, а оптималната рамнотежа помеѓу тестостеронот, естрогенот и другите слични хормони е важна за правилна функција на јајниците.

Што е ниско ниво на тестостерон и зошто се јавува?

Кај некои мажи, тестисите не произведуваат доволно тестостерон. Во тој случај, неговото ниво во организмот се намалува.

Не може точно да се утврди колку е честа оваа појава, но се претпоставува дека околу 2% од машката популација се соочува со ниско ниво на тестостерон.

Генерално, ниското ниво на тестостерон е почесто кај мажи постари од 80 години.

Ниското ниво на тестостерон може да се јави кај секој маж, но генерално е најчесто кај мажи кои:

• Се постари од 80 години
• Имаат прекумерна тежина
• Имаат дијабетес тип 2 за кој не примаат соодветна терапија
• Имаат хронично заболување, како цироза
• Имаат ХИВ/СИДА

Кои се симптомите на ниско ниво на тестостерон?

Симптомите на ниско ниво на тестостерон можат да варираат, најмногу од возраста.

Дел од најчестите симптоми кај возрасни мажи се:

• Намалено либидо
• Еректилна дисфункција
• Паѓање на срамните влакна и влакната под пазувите
• Намалување на тестисите
• Неплодност
• Депресија
• Проблеми со концентрација и сеќавање
• Зголемена тежина
• Зголемено ткиво на градите
• Намалување на мускулните сила и маса

Продолжува на следната страница...