Викенд мезе: Крцкави пилешки прсти од рерна, готови за 30-тина минути
Крцкавите пилешки прсти се омилени за мезе или како предјадење, а наместо да ги пржите во тава или во фритеза, можете да ги направите во рерна.
Ќе ви бидат потребни 30-тина минути за да ги подготвите овие вкусни пилешки прсти и да уживате со вкусно мезе за викенд седенките.
Можете да ги сервирате со мајонез, сос со сенф или со вашиот омилен сос.
Потребни состојки:
- 100g лебни трошки;
- Маслиново масло;
- ½ мала лажичка сол;
- ½ мала лажичка црн бибер;
- ½ мала лажичка лук во прав;
- ½ мала лажичка црвен пипер;
- 2 големи јајца;
- 2 големи лажици млеко;
- 500g пилешки стек (исечкан на коцкички).
Начин на подготовка:
- Рерната се загрева на 200 степени Целзиусови;
- Додека се загрева рерната, лебните трошки се распоредуваат во плех обложен со хартија за печење и се прскаат со малку маслиново масло;
- Лебните трошки се печат во рерна околу 2 минути, а потоа се вадат и со тресење на плехот се мешаат;
- Лебните трошки се печат уште 2 минути или додека да станат златно кафеави и потоа се префрлаат во подлабок сад;
- Во лебните трошки се додаваат зачините и сите состојки се мешаат;
- Во друг сад се ставаат јајца и две лажици млеко и состојките се мешаат додека не се добие изедначена смеса;
- Се зема плех обложен со хартија за печење и се прска со малку маслиново масло;
- Секое парче пилешко месо се потопува во мешавината од јајца и млеко, а потоа со штипка се валка во мешавината од зачини и лебни трошки па се редат на плехот за печење, при што треба да има околу 1,5cm простор меѓу прстите;
- Прстите се прскаат со маслиново масло и се ставаат да се печат во рерна од 15 до 20 минути.
Б. С. Б. | Црнобело
Би можело да ве интересира:
Јајца на око со виршли во форма на цветови - децата ќе ги обожаваат (видео)
Едноставен рецепт за јајца на око со виршли цветови, кој, освен што се спрема бр...
Вкусен колач без печење со ресана и Кока-кола
Сакате да пробате нешто ново, а вкусно? Погледнете го видео-рецептот за колач со...
Брз и хранлив оброк: Јајца со кисело млеко или павлака, на турски начин
Пржените јајца честопати се дел од нашите оброци, а најчесто ги подгот...
Рецепт за турски ѓевречиња меки како душа
Овие турски ѓевречиња уште се познати и како ачми, а може да ги подготвите и со ...
Пита со тиква и суво грозје од готови кори – Есенски десерт за целото семејство
Подгответе идеален есенски десерт со состојки што се карактеристични за нашето п...
Викенд ручек: Мусака ролат со мелено месо и растопен кашкавал
Како да подготвите вкусен ручек со којшто ќе ги изненадите домашните? Пробајте г...
Препорачуваме
Најчитани неделава
