Брзо мезе за ненајавени гости: Сос од кашкавал и чипс

Ненадејно ви дојдоа пријатели, немате време да подготвувате вечера, но мора да ставите некакво мезе на масата. Сосот од кашкавал и длабок сад со чипс е вкусно и забавно мезе, а може да го направите во доволна количина.

Не ви требаат многу состојки, а ќе го подготвите за десетина минути.

Сосот од сирење ќе ги воодушеви вашите гости. Совршен е како додаток или прелив на чипсот додека гледате филм со пријателите.

Потребни состојки:

• 500 g гауда кашкавал исечкан на коцки
• 1 конзерва феферонки
• ½ шолја млеко
• 1 лачичка путер
• 2 лажички ким
• 2 лажички лук во прав
• 2 лажички кромид во прав
• Сол и бибер

Подготовка:

Во едно тенџере ставете го кашкавалот, млекото и путерот. Варете на тивок оган додека не се стопи кашкавалот.

Додајте ги ситно исечканите феферонки, кимот, лукот и кромидот во прав, солта и биберот.

Додајте уште млеко ако сосот е многу густ и послужете го веднаш додека е топол.

Може да го комбинирате со готов чипс или да направите домашно испечен компир и да се препуштите на уживањето.