Потпечени сочни макарони со праз и пилешко

Спонзорирано од:

Работничка на каса 27-04-2024	Доставувач на храна 27-04-2024
Неговател/ка 26-04-2024	Експерт за електронска продажб... 26-04-2024

Потпечени сочни макарони со праз и пилешко

Ако сте љубител на праз, тогаш мора да го пробате овој рецепт за потпечени тестенини со праз и пилешко...

Не знаете што следно да зготвите за ручек? Можеби овој рецепт ќе ве инспирира, особено ако сте од оние луѓе што го сакаат вкусот на праз.

Потребни состојки:

2 пилешки гради без коски
сол и бибер
1 лажица маслиново масло
1 лажица путер
1 пакување макарони
4 лажици путер
1 среден страк праз, исечкан ситно
2 чешниња лук
1 средна брокула, ситно исечкана
¼ шолја брашно
4 шолји млеко
сол и бибер по вкус
¼ лажичка мелено морско оревче
½ шолја рендан пармезан
1 ½ шолја рендана моцарела
¼ шолја рендан пармезан

Начин на подготовка:

Сварете ги макароните, но тргнете ги од шпоретот 1-2 минути порано отколку што пишува на кесичката, за да не се преварени.
Пилешките гради зачинете ги со сол и бибер. Во тавче ставете 1 лажица маслиново масло и 1 лажица путер, па кога ќе се загреат, испржете го пилешкото месо (да биде зацрвенето од двете страни, но сепак меко внатре).
Празот исечкајте го ситно, па пржете го на 4 лажици путер. Кога малку ќе се стопи, додадете го лукот (ситно исечкан), а потоа и брокулата, која исто така сте ја исечкале на мали парчиња.
Пржете уште 2-3 минути додека зеленчукот не омекне.
Во оваа смеса ставете го брашното, а потоа додадете го и млекото. Мешајте за да се спојат сите состојки убаво. Доколку ви е густо, додајте уште малку млеко.
Кога ќе биде готова смесата, додадете ½ шолја рендан пармезан, сол, бибер и морско оревче.
Тргнете го тенџерето на страна, па додадете ги тестенините и пилешкото месо, кое сте го исечкале на коцкички.
Префрлете ги тестенините во тава за печење (или во мали огноотпорни чинии) и наросете одозгора со изренданата моцарела и ¼ шолја пармезан.
Печете во загреана рерна околу 20-25 минути.