Не треба да ви кажуваме дека поголемиот дел од она што го гледате на Instagram е лага. Речиси сите ги обработуваме фотографиите што ги објавуваме, а некои, пак, без проблем пишуваат и лаги. Знаеме дека фотографиите од славните што ги гледаме во медиумите и на рекламните кампањи се обработени, но сите очекуваме барем на Instagram да бидат колку-толку реални. Но, и познатите сакаат да лажат, а кога ќе споделат лага на Instagram, фановите речиси секогаш ги фаќаат. Одличен пример за ова е Бијонсе, која на Instagram изјави дека таа ја напишала „Irreplaceable“. Но, набрзо се дозна дека ова било лага и песната всушност ѝ ја дал Ни-Јо.