„Пријатно се изненадив од цените. За чадор и две лежалки се плаќаат 25 евра, но тие пари не се дополнителен трошок - ги користите за храна и пијалаци во бич-барот. И цените во рестораните ми се сосема прифатливи“, вели Агнеса Органџиева и ни раскажа детали за одморот со ќерките, со нејзината мајка и внукот.

„Јас на патувања неретко носам гардероба која ми е подзаборавена и неупотребена неколку години. И секогаш си носиме шишиња за повеќекратна употреба, кои си ги полниме со вода уште пред да излеземе од сместување“, вели Славица Савеска – Кењереш, која постојано патува со сопругот и двете ќерки.

„Сè додека не отидов таму, не знаев дека Кејптаун ќе ми остане засекогаш во срцето, а едно на кое треба да се внимава е што во Јужна Африка се вози по левата страна на коловозот“, вели Моника Ризовска Таневска, која работно беше во Кејптаун, но се вљуби во Јужна Африка.

„Во 2014 година ја напуштив мојата родна Битола и се преселив во Рим, потоа 10 години живеев во Велика Британија, а сега Њујорк ми е дом“, вели Наде Миленкова Пејчиновска (37) која се прослави како танчарка во шоуто „Танц со ѕвездите“ – првата сезона со Васил Зафирчев, а втората со Владимир Крстевски – Франц, а сега е извршен директор на две Arthur Murray танцови студија во САД.

„Морето на Тасос е прекрасно, со многу чиста и бистра вода. Она што најмногу ми остави впечаток е неговата боја. Плажите се различни, некои се со ситен песок, некои со камчиња, но генерално водата е мирна и пријатна за пливање“, вели стјуардот Илија Каниковски за CRNOBELO.com и сподели искуства од одморот на Тасос.

„Ова мирно место се наоѓа на Истра во Хрватска и идеално е за семејства кои сакаат мирен одмор, чисто море и многу содржини за деца. Престојувавме во хотел, но има и апартмани и камп“, вели водителката Александра Пановска Илиевска.

„Случајно се погодивме таму додека шпанската репрезентација играше натпревар на Светско. По победата улиците експлодираа од емоции. Илјадници луѓе славеа, се вееше шпанското знаме, од сите страни се слушаа песни, пиво течеше во огромни количини, сите наздравуваа со непознати луѓе“, вели Бранко Поповски за одморот на шпанскиот остров.

„На одмор повеќе сакам да уживам во локалната храна, па често јадевме во ресторани и таверни. Главните јадења се движеа од 12 до 20 евра, свежата риба е нешто поскапа, а грчката салата е околу 8 до 10 евра“, вели Маја, една од најзгодните учителки кај нас, за CRNOBELO.com.

„Летово бевме на одмор кој го прогласивме за најдобар. Како да откривме скриено богатство на Халкидики. Најдовме вила во мало местенце со два ресторана и еден супермаркет, а брановите како да ни удираа во тераса. Сакаме сами да подготвуваме храна, Александар е фантастичен готвач“ - вели за CRNOBELO.com Јана Бурческа. 

„Истражувам доста пред да се упатам во некој камп. Гледам да е мал и да има локации за приватност и да има правила за однесување што се однесува на буката и мирот“, вели Роберт од Куманово за CRNOBELO.com, кој кампува веќе 6 години, а со Кети и Сашо ја создале страницата „КамперистикаМКД“ и велат дека кампувањето е заразно.

„Децата не сакаат да пливаат, претпоставувам дека кога ќе видат толкава површина со вода, ги фаќа некој страв, иако се тука околу нас. На пример Лукјан влегуваше, Кирјана влегуваше, ама до коленици. Но, полека-полека го победуваме стравот“, вели Таско за CRNOBELO.com за одморот во Грција.

„Во цената секогаш имате вклучено три оброка и ужинки, така што никогаш не може да сте гладни. На почетокот поминувате обука за реагирање во сите ситуации, па безбедни сте во текот на целото крстарење“, открива Весна од Скопје која беше на патување со крузер со нејзините деца на возраст од 9 и 13 години.

„Неа Рода е одлично место за одмор со дете, пензионерско скроз! Има шеталиште, ресторанчиња и бич-барови, ама не многу, нема гужви (барем во јуни) и е одлично за семеен одмор. Морето е чисто, температурата е тамам! Плажите се празни и има простор да си се 'постелиш'“, вели Виктор за CRNOBELO.com, кој беше на прво летување со синот.

„Пред да тргнам поради актуелната ситуација и војната, едно од најчестите прашања беше дали е безбедно да се патува таму во овој период. Имаше и коментари дека е храбар потег токму сега да ја посетам Русија. Но, се чувствував безбедно и земјата ме воодушеви“, вели Катерина Спасова.

„Бевме вo all-inclusive хотел за првпат, но сфативме дека сепак сме повеќе за шетање отколку седење на едно место. Посетивме многу плажи, селцето Теологос со традиционалното јагнешко печење, манастирот Св. Архангел и Михаил. Цените на кафе се од 3-5 евра, а гирото околу 5, па до 10-12 евра“ – Радмила детално го раскажува искуството од одморот на Тасос за CRNOBELO.com.

„Секоја година имаме традиција, во јуни одиме на одмор со мајка ми, татко ми и децата, тоа ми е најубав период. Ако не беа баба и дедо, ќе имаше и по некоја кавга која им е позната на сите родители на одмор. Сакаме да сме сместени во прв ред, за да не шетаме по плажи и да ни биде полесно за децата“ - вели Миро Кацаров за семејниот одмор во Калитеа. 

„До таму стигнавме со автомобил за околу 9 часа од Скопје. Нормално, со две деца имаше паузи за тоалет, кафе, грицки, па сладолед, па уште еден сладолед, ама патот е одличен и навистина не се чувствува толку долго. А таму многу ни се допадна гратчето Патра“, велат Коста и Александра Гаќидеви од Скопје за CRNOBELO.com.

„Милано нè воодушеви со сè што поседува. Не се прибиравме во апартман освен за спиење. Преморени, ама пресреќни. Се јадеше пица, џелато, се правеа над 25 илјади чекори дневно… и се уживаше максимално“, рече Елена за CRNOBELO.com.