„Мислам дека овде ниту најштедливиот човек на светот нема да успее да заштеди. Секогаш има нешто ново - дали храна, дали технологија дали некоја нова плажа или ресторан, едноставно Дубаи е машинерија за собирање пари. Ние бевме договорени дека ќе останеме отприлика 20-тина дена на одмор во Дубаи, но како се приближуваше денот за враќање решававме да продолжиме и се вљубивме во местото, па останавме“, споделува Даниела (34) од Скопје за CRNOBELO.com, која со сопругот и двете деца веќе 3 години живее во Дубаи.

„Бев соочен со лубеница намачкана со мајонез, цели кокошки и петли во супа, а најшокантното нешто кое го видов беа скорпии, змии, глувци, морски кончиња и што уште не, кои се продаваат пржени и на стапчиња низ улиците на Пекинг. А атракција на моменти бев и јас. Посебно кога се сликав со будистички монах, а поради ќелавоста деца мене ми вика Буда, Буда...“

„Будимпешта нуди „многу“ – од знаменитости и музеи, па сè до богатиот избор на кулинарски специјалитети кои никого не оставаат рамнодушен. Крстарењето по реката Дунав претставува незаборавно искуство, a како најубав период за истражување на градот би го одбрала летниот период“ – вели во интервју за CRNOBELO.com, Ана Јаневска дипломиран туризмолог, која на Инстаграм редовно споделува фотографии од своите патувања.

„Често работиме од плажа, најчесто на зајдисонце, бидејќи најчесто работниот ден ни почнува попладне. Утрата ги користиме за да одиме на часови за сурфање, плажа, истражување на островот... Ми се допаѓа тоа што тука луѓето, за разлика од Западот, помалку обрнуваат внимание на материјалните работи, а повеќе на духовните вредности“, споделува Никола Атанасов (34) oд Скопје за CRNOBELO.com и открива како е да се води живот на дигитален номад и кој му е најголемиот проблем.

„Природа, мир, чист воздух, кој не би посакал тоа? Планинскиот велосипедизам сам по себе си носи авантура, истражуваш нови места, уживаш во поглед додека се искачуваш... Од опремата најважна е кацигата, ова го кажувам од искуство. Сум паѓал, сум се судрил со автомобил и сум завршил на хауба, кацигата ме спасила. Исто така, без резервна гума и алат, вода и благо не се поаѓа на велосипедска тура“ - раскажува за CRNOBELO.com Небојша Никлевски од Тетово. 

„Со џет-легот не можеш никако да се справиш 100%, туку учиш да се адаптираш и тоа да стане дел од тебе како рутина. Секогаш кога ќе отидам на некоја дестинација пробувам да си легнам по нивно локално време за да сум свеж кога ќе станам тоа утро и да го почнам денот „нормално“ како локалците, а тоа некогаш значи да не спијам над 30 саати“, раскажува за CRNOBELO.com Милош Герасимовски, кој работи како стјуард, живее во Катар, а само во последните 6 месеци посетил 20-тина земји. 

„Добив покана од тетка ми да ги посетам во Австралија и јас со задоволство ја прифатив. Кога отидов, се заљубив во Австралија и единствен начин да се вратам таму, беше да учам, па моето семејство се жртвуваше за мене и некако собра доволно финансии да ме испрати. Потоа, следуваше долг и болен процес за да се добие постојана виза, особено затоа што бев сам и сè требаше сам да финансирам, па затоа паралелно со студиите работев“, ја започнува својата приказна Оливер Јанкуловски (36) за CRNOBELO.com.

„Патувањето по Хималаите не само што беше мевлем за очите, туку и за белите дробови, по Делхи и Џајпур кои се ужасно загадени градови. Во Индија го видов и најчудниот погреб досега. Откако го положија мртовецот го запалија. Никој од присутните од семејството не плачеше, сите стоеја и гледа во телото кое гори. Кога телото целосно изгоре пепелта ја собраа и ја фрлија во реката Ганг“, споделува Петар Андоновски за CRNOBELO.com, кој вели дека Индија комплетно го трансформирала како личност.

Јордан не само што е најбезбедната арапска земја иако се наоѓа во ова конфликтно подрачје, туку и земја со најгостопримливите луѓе на планетава чија историја и природа нема никого да остави рамнодушен.

На свои 20 години, поминувајќи низ Широк Сокак Бранко мечтаел еден ден да ги посети Седумте светски чуда кои ги сретнал во многу книги и документарни емисии. Бил свесен дека за тоа требало многу пари, па се одлучил да направи нов чекор во животот и затоа заминал во Австралија. Таму работи напорно и досега има посетено 4 Светски чуда. Инспиративниот битолчанец ја споделува својата животна приказна за CRNOBELO.com...

„Мислев дека претходно сум доживеала културен шок - но ова беше друго ниво. Не знаев што да очекувам, и мислам дека очекував сè освен она што го доживеав. Помина извесен период откако се вратив, а јас сè уште не можам да ги преточам нашите доживувања во зборови“, споделува Вера Калин од Скопје за CRNOBELO.com за нејзиното патување во Куба.

Стефан Савевски од Скопје е млад човек кој после неколку години неуморна работа на најразлични проекти и компании, решава дека сака повеќе од овој живот. 

„Во Њу Џерси дефинитивно имаме една од поголемите македонски заедници во САД, но исто така и во Охајо, Илиноис и Флорида. Зошто живеам во Њу Џерси? Па, мислам најмногу поради заедницата и полесното добивање на работа без добро познавање на англиски јазик“, споделува Никола Тефов од Неготино за CRNOBELO.com.

„Спиев во ашрамот на светски познатиот индиски гуру Ошо, каде има густа шума како џунгла, мајмунчиња, инсекти, змии, во Непал исто така запознав и една моја сродна душа (со која од претходниот живот се имаме договорено да се сретнеме и во овој, тоа го дознав пред 2 месеца), медитиравме секој ден во 5 часот сабајле и имавме длабоки разговори со гуруата“ - раскажува Александра Лучанок од Скопје за CRNOBELO.com за нејзиното духовно патување во Непал.

„Санторини за мене е еден од најубавите острови во светот, но мора да ги споменам и маните. Во Oia имаше претеран метеж и низ тесните улички не можеше ни да се разминеме, на фреквентните фотогенични ќошиња за сликање чекавме дури по 30 минути ред, но вредеше секоја минута. Не ни сакам да помислам што се случува овде во јули...“, споделува Ива Крстевска Бакулев за есенското романтично патување со сопругот.

„Дубаи се стреми да биде најфит град за неколку години, но тука менталитетот е склон кон комоција и натпреварувачката атмосфера е многу слаба. Во однос на скапиот живот, со киријата, која е околу 1000$ за просечна еднокреветна зависно од локацијата, во најголем дел од зградите ви следи и теретана, базен, 24/7 обезбедување, паркинг“ - открива Дамјан за CRNOBELO.com и зборува за својата професија како тренер во Дубаи, но и за животот таму. 

„Често локалците таму ми велат „Вие од Европа можеби имате пари, но не сте среќни“. Понесена сум од енергијата и вајбот кои ги дава Занзибар, од вечното сонце и тропската клима, затоа одлучив тука да се преселам и да вложам. Конкретно мојот хотел ќе биде повеќе во европски стил во поглед на ентериер и внатрешен дизајн., а екстериерот го налага владата и законите со цел зачувување на традицијата и автентичноста на градот“ - раскажува за CRNOBELO.com Ели која претходно работела во банка во Скопје, а сега живее на Занзибар. 

„Стандардот и квалитетот на живот во Белгија е многу подобар од Македонија, но и таму има несакани ситуации... Се случи телефонот да ми биде украден од џеб, а после 3 месеци телефонот се вклучи во Дакар, Сенегал и го снема засекогаш, а и на третина од луѓето кои ги знам во Брисел им имаат украдено или телефон или паричник или велоспед...“, вели Дамјан Гроздановски (28) од Скопје, на кој Белгија веќе една година му е дом, а го „запознавме“ како маратонецот во одело на Скопски маратон 2022.