Се породи Анастасија Ражнатовиќ – ја криеше бременоста 9 месеци, роди момче

Детали

четврток, 16 јули 2026

Ќерката на Цеца ја криеше бременоста 9 месеци, а сега гордата баба и таткото Немања Гудељ објавија дека Анастасија се породила – по долго чекање и една неуспешна бременост, тие станаа родители на син.

Анастасија Ражнатовиќ и Немања Гудељ станаа родители.

Среќниот татко ја објави веста на својот Инстаграм профил, а бременоста успешно ја криеја од јавност цели 9 месеци.

„Илијан Гудељ – 15.07.2026, Слава на Бог“ – напиша тој во описот на фотографијата од раче на новороденче.

Анастасија се породи во Шпанија, а според српските медиуми, мајката и детето се добри и породувањето поминало во најдобар ред.

Членовите на семејството Ражнатовиќ и Гудељ се собрани во Севиља, каде што живеат младите родители и заедно ќе го прослават доаѓањето на новото внуче.

Инаку, Цеца, уште на почетокот на месецот замина во Шпанија, а српските медиуми пишуваа дека побегнала кај ќерката да одмори од работните обврски.

Сепак, сега е јасно дека таа отишла да ѝ биде поддршка и помош на бремената ќерка, но и да го дочека раѓањето на своето внуче, прво од нејзината ќерка и четврто вкупно.

За потсетување, Анастасија во 2023-та објави дека е бремена и споделуваше фотки со трудничкото стомаче, но за жал го изгуби бебето, па овој пат, реши бременоста да ја држи во тајност.

  

М. М. | Црнобело