Анастасија Ражнатовиќ го загуби бебето - Немања Гудељ скршен од болка ги сподели тажните вести на Инстаграм

Детали

вторник, 30 мај 2023

„Ова е мошне болен миг за нас, но нашата љубов ќе го победи и ова“ – партнерот на Анастасија Ражнатовиќ, Немања Гудељ на социјалните мрежи сподели дека тој и Анастасија го загубиле бебето.

Ќерката на Цеца Ражнатовиќ, Анастасија, го загуби бебето, а тажните вести на социјалните мрежи ги сподели нејзиниот партнер, со кого живее заедно во Шпанија, Немања Гудељ.

„Ги споделивме со вас убавите вести и вие бевте со нас со целото срце, со честитките и пораките. Ви благодарам за тоа.

За жал, сега имаме лоши вести, но знаеме дека ќе ја имаме вашата поддршка и разбирање дека за тоа не сакаме да зборуваме.

Многу жалиме што јас и Анастасија го загубивме нашето бебе. Ова е мошне болен миг за нас, но нашата љубов ќе го победи и ова“ – напиша фудбалерот на својот Инстаграм профил.

По тажните вести, Анастасија го деактивира својот профил на Инстаграм и целосно се повлече.

Инаку, кон крајот на април, во реалното шоу „Цеца и деца“ беше откриено дека Анастасија и Немања го очекуваат своето прво дете и открија дека чекаат ќерка.

Српските медиуми пишуваа дека парот веќе ја организира церемонијата во која ќе стапат во брак, а само пред една седмица пејачката го прослави својот 25-ти роденден и партнерот ја изненади со балони и кадифени играчки.

Б. С. Б. | Црнобело