Цеца носела пиштол со себе - Детали за убиството на Аркан пред 26 години

Детали

петок, 16 јануари 2026

„Некои жени ми бранеа да излезам од бутикот, а Ѕвонко врескаше: ‘Командантот е убиен’. Собрав сила и истрчав до сопругот. Жељко крвареше, пробав реанимација. Врескав некој да викне Брза помош, додека му вадев крв од устата“, раскажала Цеца за убиството што се случи во јануари 2000-тата.

На 15 јануари 2000 година во хотелот „Интерконтинентал“ во Белград беше убиен Жељко Ражнатовиќ Аркан.

Иако оттогаш поминаа 26 години, неговата вдовица, Цеца Ражнатовиќ никогаш не ја преболе смртта на сопругот.

Брзо по погребот, Цеца се повлече од јавноста на една година и времето го поминуваше со своите деца, синот Вељко и ќерката Анастасија.

Тие секоја година, на овој ден, заедно одат на гробот на Аркан за да се потсетат на него и да му оддадат почест на водичот на српската доброволна гарда.

За убиството на Аркан, кое се случило во холот на хотелот, додека Цеца била во еден од своите бутици, кои ги имала во тоа време таму, таа раскажала пред судот во Белград.

Пејачката признала дека со неа имала пиштол, кој бил во нејзината чанта, но од кој не било пукано кон убијците на нејзиниот сопруг.

„По пристигнувањето во хотелот, сите отидовме во бутикот La France, а половина час подоцна, Жељко излезе да го најде својот пријател Манда.

Јас со сестра ми повремено шетав низ своите бутици и поминував покрај сепарето во кое Жељко седеше со Манда и Гариќ.

Во еден момент покрај него седна и Бранко Јевтовиќ Јорга, а кога дојдов следниот пат, тој веќе не беше таму.

Седнав малку покрај сопругот и отидов во La France.

Во еден момент во бутикот со трчање влета Ѕвонко Матеовиќ, бараше да му дадам пиштол зашто тој ги испукал сите куршуми од своето оружје.

Му го дадов мојот револвер, но тој не испука ниеден куршум од него.

Некои жени ми бранеа да излезам од бутикот, а Ѕвонко врескаше: ‘Командантот е убиен’.

Собрав сила и истрчав до сопругот. Гариќ лежеше на подот.

Жељко крвареше, пробав реанимација. Видов дека Манда е мртов на лице место.

Врескав некој да викне Брза помош, додека вадев крв од устата на Жељко“, рекла Цеца во својата изјава.

Пејачката стана вдовица на неполни 27 години.

Аркан имаше 48 години кога беше убиен.

Прочитајте и Љубовната приказна на Цеца и Аркан - Првпат го видела на фотографија во Playboy, го убија во нејзина близина

А. Ј. | Црнобело