„Имав чувство како да сум се нашла среде сцени што дотогаш сум ги гледала само во документарци на National Geographic. Токму тоа чувство на простор, тишина и сурова природна убавина беше нешто што веднаш ме освои. И покрај непредвидливите временски услови, не чувствував дека некој е под стрес или во постојана трка со часовникот“, вели Катерина Спасова, по потекло од Кочани, за ова уникатно патување.

„Идејата беше едно брзо фамилијарно бегство со мајка ми и сестра ми. Но, дента кога требаше да тргнеме, поради сплет на околности и семејна незгода, тие решија да останат во Скопје. Јас до 3 часа пред летот знаев дали да одам, ниту бев спакувана“, вели за CRNOBELO.com Вирџинија Ристеска, која сама беше на преубаво патување во Италија. 

„Малдиви со години ми беше дестинација што ја гледав по разгледници и Инстаграм фотки, и, за моја среќа, спонтано стана мој „дом“ на месец и половина. Една од најинтересните активности ми беше и собирањето и отворањето кокоси на островот Тинаду, мислам дека сè уште го чувствувам вкусот на свеж кокос во устата. Ах, а и ручекот од локално малдивско семејство...“, вели Исидора Здравковска (27) од Скопје.

„Породилното тука трае само 3 месеци, но огромен број жени работат само неколку дена неделно за да имаат повеќе време за децата и домот. Она што најмногу ме воодушеви е што на секои неколку стотини метри има прекрасно детско игралиште. Нашите деца пораснаа хранејќи срни, кози и овци, радувајќи се на секој сончев ден, на цвеќињата и на малите моменти што таму навистина се ценат“ - вели за CRNOBELO.com Фросина од Пробиштип, која живее во Холандија. 

„Во Македонија работев како медицинска сестра повеќе од 30 години, си ја обожавав професијата. Сега, живеам во центарот на Сиднеј, во пентхаус со поглед на Harbour Bridge и Сиднејската опера, постојано одиме на плажа, бајка е“, вели Љупка Даниловска (55) од Пробиштип.

„Шок доживеав тука кога за првпат се вселив во куќа и дури по вселувањето сфатив дека нема топла вода за туширање. Така научив дека голем дел од локалните куќи и станови немаат топла вода, односно принципот на затоплување функционира со буре кое е поставено на сонце и на тој начин се затоплува водата“, вели Кристина (26) од Ресен која веќе 3 години го живее својот сон на Малдиви и се дружи со локалци.

„Ми се допаѓа што во Швајцарија никој не те прашува „А што не се мажиш?“, туку те прашуваат која марка на ѓубриво ја користиш (ха-ха). Работам како туристички водич и по хаосот на пат, обожавам кога сум сама во тишина и си работам во градината“, вели Ивана Кушлич, на која Швајцарија ѝ е дом.

„Немам македонски корени (барем колку што знам), но со целото срце ја сакам Македонија. Делче од вашата земја секогаш е со мене, и во мојата плејлиста“, вели за CRNOBELO.com Русинката Наталија, која неодамна помина 3.500km за да дојде од Улјановск до Скопје.

„Гледајќи ги локалците во традиционална облека, имате чувство како да сте во филмот „Аладин“, а всушност е еден обичен ден за нив. Сè изгледа беспрекорно чисто, патуваме со мало дете, пред сè ни беше најбитна безбедноста, а Оман важи за една од најбезбедните и најбогатите држави во овој дел на светот“, вели Сања Коцева за CRNOBELO.com.

„Патувањето со бебе е секогаш предизвик, но не бевме спремни да седиме долго дома и брзо откако се роди нашата ќерка започнавме со патувања. Ги охрабрувам сите родители да го направат тоа“, вели Емилија Стеваноски (32) од Битола за CRNOBELO.com.

„Уште, од првиот момент, кога при извлекувањето за бараж дуелите за пласман на Светското првенство во фудбал 2026-тата година, ни се падна репрезентацијата на Данска, со другарите веднаш почнавме да се организираме за да одиме. Бидејќи нема директен лет до Копенхаген, главниот град на Данска, по логика на работите, купивме карти за соседниот Малме во Шведска“, вели Благојче Атанасоски (36) од Скопје за CRNOBELO.com.

„Живеам во околина на Чикаго, ме нервираат измамниците, да ти е страв да кренеш на телефон, не знаеш дали ти ѕвонат да те лажат или измамат. Кога ќе почнеш да живееш тука - те удира реалноста во лице. А тоа е дека не е розово воопшто, парите не паѓаат од небо и треба да си ја сфатиш сериозно работата“, вели Марија Главчева, наша новинарка која почна да снима и подкаст со Македонците во САД.

„За време на карневалот луѓето стануваат во 5 наутро за да одат на улични забави наречени „блокоси“, а во текот на денот низ градот се одржуваат над 150 различни блокоси. Дел се мали квартовски забави, а некои прераснуваат во мега-спектакли со над 1 милион луѓе на улиците“, вели Марио за посетата на Бразил, за CRNOBELO.com.

„За жал, поради нарушеното здравје на мајка ми бев во родната Москва, но не можев ни да замислам дека тоа што видов беше обична државна поликлиника, ме удри културен шок после македонските амбуланти“, вели Вероника и комплетно ја доловува состојбата на здравството во Русија за CRNOBELO.com.

„Струга ја обожавам поради Црн Дрим и чувството на леснотија, како да сум на одмор дури и кога работам таму. Битола поради Широк Сокак има посебен шарм. Крушево бидејќи ме потсетува на моето родно Кратово“, вели Лиде Стојановска и ги рангира градовите во Македонија. Кој ѝ е број 1? А кој, пак, ви е вам?

„Животот во Тајланд започна со две болни деца, од прв ден, и ова не е некој добар почеток на авантура која ќе трае уште 6 месеци во Азија. Првите две недели бевме напред/назад со здравствени проблеми. Два пати одења по болници, па дури и хоспитализација, но потоа го доживеавме Тајланд со сета своја убавина“, вели Славица од Скопје, на која Норвешка ѝ е дом.

„Локалците ме канат и тоа не само на ракија, туку и на домашно сирење, питулици, тури-потпечи, циронки, луканец. Бабите буквално сакаат да ме посвојат и ме третираат како свое дете“, вели Кристина Паскоска од Скопје, која постојано патува низ македонските села.

„Живееме на околу 40 минути од центарот со автомобил. Тука си купивме куќа и живееме јас, сопругот, нашите три деца и кучето. Отсекогаш ми се допаѓал шведскиот менталитет за растење деца. Тука им се дозволува на децата навистина да бидат деца – да играат, да се извалкаат, да истражуваат, без разлика дали врне дожд или паѓа снег“, вели Катерина Краљевска (30), која има родители Македонци, но е родена во Стокхолм, а сопругот се преселил таму во име на нивната љубов.