Ивана Угриновска за патувањето во Тајланд: „Сама возев мотор низ џунгла во 3 наутро“

„Секој сака да ужива во луксузни хотели, но јас сакам да искусам многу повеќе - од возење на скутер во хаосот по улиците во големите градови, до пробување улична храна што изгледа доста сомнително“, открива Ивана Угриновска за CRNOBELO.com.

ivana-ugrinovska-2-pati-go-poseti-tajland-sama-vozev-motor-niz-dzhungla-vo-3-nautro-01.jpg

Ивана Угриновска од Скопје по професија е дигитален маркетер, и неколку месеци патува низ Азија, а паралелно и работи за компанијата во која е вработена.

Нејзината решеност да излезе од комфор зоната и да се внесе во улога на дигитален номад ѝ овозможи животно искуство кое засекогаш се памети.

Во продолжение следува разговор со Ивана која ни открива за нејзиното азиско патешествие и сите детали од сложувалката на оваа патување.

Ивана веќе по вторпат си на Тајланд, а и годинава си решена да ја уживаш егзотиката на Азија. Кои се главните причини што се одлучи за овие дестинации кои ти овозможуваат патување, но и работење онлајн?

За работење онлајн од некоја дестинација добив желба за време на пандемијата затоа што работев од дома помеѓу 4 ѕида и сакав да сум каде било, само не дома.

Азија отсекогаш ми била дестинација што сакам да ја посетам заради преубавите плажи и културата, а исто така е и релативно евтина дестинација за истражување споредено со други земји познати за дигиталните номади и начинот на кој тие живеат.

Толку убаво си поминав лани, што оваа година решив повторно да дојдам и да патувам подолго и да посетам повеќе дестинации.

ivana ugrinovska tajland e popularna destinacija za digitalni nomadi tuka vozev motor vo djungla vo 3 sabajle a lokalite kje ti pomognat vo sekoe vreme 9

Кои културни разлики и промени најмногу ти влијаеја по пристигнувањето на Тајланд и општо во Азија?

Азија е друг свет и можеби не е за сечиј вкус. Има ресорти, луксузни ресторани со врвна храна и има луѓе што само така ја доживуваат Азија и дури и не ја пробуваат локалната храна.

Секој сака да ужива во луксузни ресторани и хотели, но јас сакам да искусам многу повеќе од она што го има тука.

Од возење на скутер во хаосот по улиците во големите градови како Бангкок или Ханои, пробување секаква локална и улична храна што изгледа доста сомнително и под наши стандарди за чистота, спиење во традиционални бунгалови покрај плажа, до тон други работи што ги нема во Европа.

ivana ugrinovska tajland e popularna destinacija za digitalni nomadi tuka vozev motor vo djungla vo 3 sabajle a lokalite kje ti pomognat vo sekoe vreme 22

Каква е заедницата на дигитални номади на Тајланд?

Тајланд е една од најпопуларните дестинации за дигитални номади и насекаде има „coworking places“, комбинација на „coworking“ и „coliving places“, во понудата на хостели и хотели често вклучува простор за работа и добар интернет, а има и голем избор на барови и кафулиња каде што може да се работи.

Најчесто среќавам програмери и инфлуенсери, но има и дигитални маркетери како мене.

ivana-ugrinovska-tajland-e-popularna-destinacija-za-digitalni-nomadi-tuka-vozev-motor-vo-djungla-vo-3-sabajle-a-lokalite-kje-ti-pomognat-vo-sekoe-vreme_23.jpg

Имаше ли моменти кога се чувствуваше целосно излезена од комфор зоната?

Скоро цело време поминато тука се чувствувам надвор од комфор зоната заради големата разлика во културата, храната и начинот на живот.

Лани на Тајланд првпат научив да возам скутер и истиот ден возев сама низ џунгла за да одам на забава во 3 по полноќ.

Во Виетнам првпат научив да возам мотор со брзини и извозев 300 километри низ планини за 2 дена. Има доста вакви авантури што се случуваат само кога ќе излезеш од комфор зоната и јас лично уживам во тоа.

ivana ugrinovska tajland e popularna destinacija za digitalni nomadi tuka vozev motor vo djungla vo 3 sabajle a lokalite kje ti pomognat vo sekoe vreme 13

Како го балансираш секојдневието со работните обврски додека се соединувате со живописната култура и традиција на Тајланд?

За мојата работа треба да се усогласам со 2 временски зони затоа што имам виртуелни состаноци со колегите во Скопје и со клиенти од Америка, а во азиска временска зона тоа време е од 4 попладне до полноќ, или од 5 попладне до 1 по полноќ.

Тоа значи дека имам пола ден да го поминам на плажа или на полудневна тура и викендот ми е слободен за забава и истражување на местото каде што сум во моментот.

Мене ми е совршен начин да се скокне ладната зима кај нас и да се истражат убавините на Азија.

ivana ugrinovska tajland e popularna destinacija za digitalni nomadi tuka vozev motor vo djungla vo 3 sabajle a lokalite kje ti pomognat vo sekoe vreme 20

Како се снаоѓаш со интернетот? Имаше ли проблем со интернет конекција?

Засега не сум имала поголеми проблеми со интернетот, а како „back-up“ имам локална сим картичка со брз интернет.

Со оглед на тоа што работам и патувам, гледам сместувањата да имаат добра конекција и простор за работа.

ivana ugrinovska tajland e popularna destinacija za digitalni nomadi tuka vozev motor vo djungla vo 3 sabajle a lokalite kje ti pomognat vo sekoe vreme 19

Имаш работено на различни места и локали, но кои од нив ти беа најинспиративни до сега?

Најомилени места ми се барови покрај плажа, а би издвоила и руфтоп бар со базен со прекрасен поглед на Бангкок.

ivana ugrinovska tajland e popularna destinacija za digitalni nomadi tuka vozev motor vo djungla vo 3 sabajle a lokalite kje ti pomognat vo sekoe vreme 25

Продолжува на следната страница...



Би можело да ве интересира:

Стефан Савевски за патувањето во Јордан: „Ја посетив Петра 4 пати, за Македонците треба виза, а лока... „Невозможно е да пропаднеш во водата на Мртвото Море дури и да вложиш напор, сам...
Марија Стамболиќ за патувањето во Јапонија: „Мажи во костуми на полноќ играат Покемон и пијат виски ... „Во Јапонија не беше културно да се зборува во метро и исто така телефоните мора...
Битолчанката Дивна 13 години работи на брод: „Од аниматор за деца стигнав до директор на одделот, Ма... „Со оглед дека во Македонија беше тешко да се добие работна позиција по завршува...
Милош Боев: „Работам во Нигерија како инженер - полиција со оружје ме чува 24/7, едвај се навикнав“ „И одењето во ноќен клуб е со режим за безбедност. Ми приоѓаа луѓе кои сакаат за...
Моделот Павле Николовски го посети Исланд: „Ручек во ресторан не е под 150 евра, најевтин бургер е 2... „Исланд е третата најскапа земја во светот, а цените се скоро 10 пати повисоки о...
Бранко Илиески за патувањето во Перу: „100 пати да се вратам на Мачу Пикчу, нема да ми биде здодевно... „Во Перу јадат и морски прасиња. Ги печат на жар, како во фурна. Секако дека про...

Најчитани неделава

sonovnik-sidebar.jpg