Во забавната индустрија, не е ништо чудно што актерите кои работеле на ист филм стануваат добри пријатели. Снимањето на еден филм трае и по неколку месеци, а кога постојано ќе работите со една иста личност, нормално е да се зближите. Но, неретко се случува и спротивното – после некоја соработка, актерите и актерките никако не сакаат повторно да работат заедно. Одличен пример за ова се Двејн Џонсон и Вин Дизел. Откако заврши снимањето на Fast and Furious 8, Двејн Џонсон објави твит со кој ги фали жените од филмската екипа, но ги критикува, па дури и навредува дел од мажите со кои соработувал. Нормално, овде спаѓа и Вин Дизел.