И најпознатите холивудски актери морале да почнат од некаде пред да ја добијат улогата што ги направила светски ѕвезди. Можеби мислите дека сите тие мораат да бидат особено горди на овие улоги, но ќе се изненадите кога ќе дознаете колку од нив ги мразат улогите што ги прославија. Најинтересен пример за ова е Роберт Патинсон. Иако тој имаше мала улога во четвртиот дел од серијалот за Хари Потер, Патинсон стана ѕвезда благодарение на серијалот Twilight. Но, тој не ја сака оваа улога до тој степен, што фановите се шегуваат дека никој не го мрази серијалот Twilight колку актерот кој го играше главниот лик.