Штом имате многу пари, очекувајте одвреме-навреме некој да ве тужи за милионска сума. Ова им се има случено на многу славни и додека некои тужби „држат вода“, за некои е очигледно дека се само очаен обид за некој да добие пари. Најчесто овие тужби ги поднесуваат „обични“ луѓе, па дури и фанови на познатите. На пример, Мајли Сајрус добила тужба за неколку милиони долари, од девојка која била навредена од нејзина фотографија. На фотографијата, Мајли позира со неколку луѓе, а некои од нив, вклучувајќи ја и Мајли, со рацете ги закосуваат нивните очи. Девојката сметала дека ова е навредливо за Азијците, па решила да ја тужи пејачката.