Иако повеќето филмови се направени за да ја забавуваат публиката, постојат и оние на кои целта им е да провоцираат или да споделат некоја контроверзна порака. Се сеќавате на филмот The Interview, кој се соочи со проблеми уште пред премиерата? Филмот е направен за да се исмејува лидерот на Северна Кореја, Ким Џонг Ун, па не е ни чудно што предизвика лавина негативни коментари. Филмот е проблематичен до тој степен, што извесно време не се знаеше ни дали воопшто ќе биде пуштен во јавноста.