Неодамна на YouTube се појави видео направено од швајцарскиот музички артист познат како Cee-Roo кое одлично ја сумира 2020-та година. За само неколку денови видеото стана вирално, а има добра причина за тоа. Во само 4 минути, артистот успеал да ги прикаже сите настани што ја обележаа 2020-та. Почнувајќи од движењето Black Lives Matter и пожарите во Австралија, па сè до пандемијата со корона вирусот, експлозијата во Бејрут и многуте природни катастрофи и конфликти, ова е видео што нема да ве остави рамнодушни. На крајот, покрај сите лоши работи, видеото покажува дека кога ќе се обединиме, ние луѓето сме непобедливи и можеме да сонуваме за подобро утре.