Многу книги низ историјата, особено оние кои денес се сметаат за култни или за класици, биле забранувани од разни причини. А некои држави, училишта и библиотеки забранувале и книги за деца. Не постои личност која не слушнала за „Алиса во земјата на чудата“. За многу генерации кај нас оваа книга беше и лектира, а направени се и многу филмски адаптации, па приказната им е добро позната на сите. Но, знаевте ли дека во минатото и таа била забранета? Книгата била забранувана трипати во 20-иот век, најмногу бидејќи луѓето сметале дека чудните суштества и необичните патешествија на Алиса испраќаат само лоша порака.