Сите ја знаеме теоријата за уништувањето на диносаурусите – на Земјата паднал огромен астероид кој предизвикал енормна штета, со тоа уништувајќи скоро сè живо. Денес астрономите ги имаат потребните инструменти за да го набљудуваат и предвидуваат движењето на астероидите, па ако нè очекува слично сценарио, ќе знаеме за тој астероид многу години порано. Сепак, постојат неколку поголеми астероиди кои се доближуваат до Земјата. Иако за повеќето астрономите се убедени дека само ќе нè одминат, секогаш постои можност да бидат привлечени од земјината гравитација и да паднат на Земјата. Овие астероиди би предизвикале голема штета, но за среќа не се доволно големи за да ја уништат планетата. Во ова видео можете да дознаете нешто повеќе за астероидите кои ѝ се приближуваат на Земјата.