На почетокот од месецов Сан Марино ја претстави својата евровизиска песна, насловена „Adrenalina“. Годинава Сан Марино ќе ја претставува пејачката позната како Senhit, која настапуваше на Евровизија и во 2011-та година. Овојпат малата европска држава има и интересно изненадување – песната Adrenalina e направена во соработка со популарниот американски рапер Flo Rida. Евровизискиот тим на Сан Марино изјави дека Flo Rida е дел од песната, но уште не е познато дали ќе настапува на самиот настан. Пејачката, пак, вели дека на Flo Rida му се допаднала идејата и тој да се појави на евровизиската сцена, но поради неговите работни ангажмани, уште не е сигурен дали ќе настапува со неа. Раперот се појавува во официјалниот спот на песната, а останува да видиме дали ќе биде дел од овогодишната Евровизија.