Во 2003 година го изгледавме третиот и досега последен филм од култниот серијал „The Matrix“, чиј крај нè остави со повеќе прашања отколку одговори. Сега, речиси две децении подоцна, повторно имаме можност да ги видиме Нео и Тринити во новото продолжение насловено „The Matrix Resurrections“. Неодамна беше објавен и трејлерот за новиот филм, чија премиера е закажана за декември, а според она што можеме да го видиме, треба да се подготвиме за добра приказна и многу акција. Во главните улоги повторно ќе ги видиме Киану Ривс и Кери-Ен Мос, а филмот е режиран од Лана Вачовски.