Препознатлив знак на Нина Јанева ѝ се моќниот вокал и емотивната изведба, а со нејзината најнова песна „Ова е крај“ уште еднаш ни го потврдува ова. Се работи за балада со примеси на блуз, госпел и поп, каде што само во придружба на пијано и органа, Нина ги опишува своите чувства преку суптилна и моќна вокална интерпретација. 

Песната е комплетно авторско и продуцентско дело на Александар Масевски. „Ова е крај“ доби и свој видео запис за чија режија и реализација се погрижи  Александар Ристовски - Принц.