|
 Go Green најавува соработка со Youth 4 Love, повеќе познати како Гратис Гушкачи J. Како дел од промотивната кампанја на проектот Go Clean...
...млади членови на овие 2 организации ќе бидат поставени покрај специјалните туби за празни батерии во супермаркетите.
Нивната улога ќе зависи од одговорноста на секој граѓанин, односно секој што ќе фрли празна батерија во тубата, ќе добие Зелена гушка. Оние граѓани кои сеуште не се свесни дека тие туби се само за батерии, ќе им биде пренесена правилно пораката за причината на селектирање и рециклирање на овој отпад.
Батериите спаѓаат во опасен отпад бидејќи содржат тешки метали кои по одреден период корозираат. Не треба да дозволиме да бидат во близина на нашите најблиски или нашето милениче тоа да го вдише. Од аспект на природата, батериите не смеат да се третираат со останатиот отпад бидејќи при истекувањето на металите и спојувањето со други отпадни материи можат да се формираат нови канцерогени токсини во почвата од која секојдневно исцрпуваме основни животни ресурси како вода и храна.
Go Clean е иницијатива на Шведската Амбасада, подржана од Норвешката и Словачката Амбасада. Проектот е организиран и имплементиран од страна на Go Green заедно со Балкански Мостови и Greener.
 |
Прикажи/Сокриј коментари
