|
2012
Љубов: Многумина во текот на првата половина од годината семејните обврски ќе им испровоцираат и по некоја емоција повеќе, па ќе гледаат што повеќе време да поминуваат дома. Оние во стабилни врски ќе уживаат, додека оние што се сами нема да сакаат да излегуваат. Сепак ќе има можности и за нив, но понекогаш ќе треба да се натераат да излезат. Од летото (по 12 јуни) вашиот социјален живот ќе се интензивира и баш летните месеци се оние што можат да ви донесат голема љубов и заљубување – затоа што Јупитер и Венера ќе бидат во вашата природна петта куќа на љубовта и децата. Ако сте сè уште сами, штом малку се затопли, движете се меѓу луѓе. Ќе има и такви кои оваа година ќе се одлучат за деца. И од есен ќе има многу можности за излегување и дружење, сè до крајот на годината, но вие по 6 октомври ќе станете малку позатворени и посериозни. Поволни денови за љубов се оние од 1 до 15 јануари, потоа помеѓу 4 април и 8 август, како и деновите помеѓу 29 октомври и 23 ноември.
Работа: Поголемиот дел од годината работата нема да ви биде во прв план, или пак ќе ви биде многу интересна. Тешко е да се предвиди со што точно ќе се занимавате. Можни се најразлични ангажмани. Некои ќе бидат поврзани со приватни работи, други со млади, трети со уметност, потоа со алтернатива и така се до некои сосема нови дејности. Нема да ви биде лошо, но веројатно нема да се фокусирате само на едно подрачје. Веројатно ќе истражувате и на некој начин ќе уживате во различноста. Оние чија професија го вклучува спомнатото ќе бидат задоволни. Од есен растат барањата насочени кон вас, работата станува посериозна и вие мора да покажете сè повеќе одговорност. Ќе има нешто помалку слобода, но и можности да се усовршите низ ред, работа и дисциплина.
Здравје и совет: Ќе бидете добро во поголемиот дел од годината. До 4 јули Марс ќе ја транзитира вашата природна осма куќа, куќа на кризи и борби, па ќе водите некои важни битки кои може да ве исцрпат. Тоа би можеле да го почувствувате главно во подрачјето на варењето, но како споменатата планета е добро поставена, тегобите позитивно и бргу ќе се решат. Не се од хроничен карактер, па бидете без грижа. Само малку повеќе водете сметка за исхраната. Во продолжение на годината планетите ќе ја поддржуваат вашата солидна состојба така што нема да има некои битни проблеми. Одете во природа, шетајте и уживајте на сонце, Тоа ќе ве згрее и од внатре и од надвор во моментите кога ќе ве совладаат мали есенски таги.
|
Водолија
