|
2012
Љубов: Поради зафатеност со работа или некои вам чудни потфати во текот на првата половина од годината би можеле малку да ја запоставите саканата личност. Имате одлични аспекти за деловни ангажмани, па нема да сакате да ги пропуштите, но затоа приватниот живот ќе ви трпи. Сепак, потрудете се со мали подароци и внимание да му покажете на партнерот дека ви значи. Сетете се на формулата „quality time“, па она време што ќе го поминете заедно нека биде незаборавно. Немојте да штедите или приговарате. Ситниците не му се важни на срцето. Во текот на летото би можеле да отидете во друга крајност, премногу трошење, како и да бидете склони кон фалбаџиство. Некои (што е својствено за нив) ќе паднат во замка на ловечките љубовни приказни, а реалноста ќе биде посиромашна. Сепак имате многу поволни периоди за љубов, а тоа се деновите помеѓу 6 март и 4 април, а тука е и посебно поволното време кога Венера е во Девица од 4 до 29 октомври.
Работа: Сигурно е дека интензивно ќе работите во првата половина од годината, а понекогаш и прекувремено. Работа ќе има и повеќе од што очекувате. Покрај тоа ќе има и исклучително добри резултати, па сметајте на општа експанзија до летото. Немојте да заборавите понекогаш да застанете и малку да се одморите. Ако ништо друго, да ги наполните батериите за уште пожестоко да продолжите. Нема да имате време за дигресија. Работата ќе биде без празни периоди. Летните месеци најпосле ќе ви донесат опуштање, а за некои од вас такво што ќе прејде во крајност - претерување во уживањето. Колку што работевте во првиот дел од годината, сега толку ќе одмарате. Најпосле есента носи колку толку рамнотежа. Ќе работите толку колку што треба, а ќе знаете и да се опуштите со мерка. Така ќе биде до крајот на годината.
Здравје и совет: Марс во вашиот знак ќе направи да бидете полни со енергија, но и подложни кон акутни воспалувања, па и повреди. Важно е да знаете дека Марс е добро поставен, така што ќе успеете да излезете на крај со сè што ќе ви дојде на вашиот пат. Сепак, ќе имате мали нервози, повеќе ќе трошите, но и бргу ќе се кревате од уморните состојби. Водете сметка да ги избалансирате фазите на активност и одмор за да не претерате. По 04 јули почнува помирен период кога нема да бидете толку активни, а повеќето планети ќе ја подржуваат вашата стабилност. Во продолжение на годината дозволете си малку повеќе опуштање, но не толку да станете мрзеливи.
|
Девица
