После земјотрес – езеро
Кина планира големото езеро кое се создаде по катастрофалниот земјотрес во Сечуан да го претвори во туристичка атракција. Научниците сега прават проценка како на најдобар начин езерото Тагнијшан да го претворат во сликовито место за одмор и релаксација...
Владата исто така повторно ќе го изгради округот Беикхан, кој се наоѓа низводно од новоформираното езеро, на нова локација, бидејќи старото седиште на округот е уништено. Сеуште не е одлучено каде точно ќе го градат.
Обновата на езерото и неговото претворање во живописно место за туристи ќе биде „важен дел во еновирањето на округот Беикхан “
Беикхан и подрачјето кое го окружува, исполнето со големи бамбусови шуми, резервати за панди и различни етнички 
малцинства, традиционално и досега беше популарно туристичко одредиште.
Езерото кое се наоѓа во северниот дел на провинцијата Сечуан се формираше по разорниот земјотрес кој се случи на 12 мај годинава. Земјотресот едноставно откина една страна од планината, која потоа се лизна во долината каде го попречи течењето на реката. Така се создаде езеро.
На почетокот од овој месец повеќе од 250000 луѓе се евакуирани поради стравот дека езерото би можело да се преполни и да ги поплави подрачјата кои му се наоѓаат на патот.
Од 34 езера кои се создадоа по земјотресот, Тангишјан е најголемо и е едно од 27те кои веќе не се сметаат за опасни. Извештајот на кинеската влада не даде никакви детали за плановите за изградба на езерото.
Земјотресот со јачина од 7,9 степени усмрти повеќе од 69 000 луѓе, иако кинезите тврдат дека проценката за бројот на загинати е околу 80 000, бидејќи повеќе од 18 000 луѓе се сметаат за исчезнати.
Би можело да ве интересира:
Препорачуваме
Најчитани неделава
