Магијата на кафето
Не можете да го замислите денот без барем една шољичка кафе? Не сте едниствени, овој чудесен ароматичен пијалок е дел од секојдневието на милиони...
...луѓе. Можеби е заради мирисот, вкусот, аромата или сето ова заедно, но многумина ќе се согласат дека добра шоља кафе може и најлошиот ден да го претвори во поднослив.
Но, важи и спротивното, ако го започнете денот со лошо кафе, уште долго во текот на денот ќе го чуствувате неговиот непријатено-горчлив вкус.
Доброто кафе не се создава само по себе. Постојат неколку тајни во подготовката кои треба секој „мајстор на кефето“ да ги познава. За жал кај нас, барем во услужната дејност сме далеку од тоа кафето да го подготвуваат луѓе кои се обучени за тоа.
Во светот добриот „кафе мајстор“ внимава на количината на кафе, крупноста на мелењето, времето на извлекување на екстратот, а посебно на одржување на кафе-апаратот кој треба да се чисти секој ден.
Навиките на конзументите се менуваат. Некогаш на врвот на листата беше „турското“ кафе, па потоа cappuccino и espresso, но денес се популарни различните егзотични пијалоци во кои кафето е само една од многуте состојки.
Кафето може да се пофали со голема разноликост на вкусови, а посебно ако се искомбинира со чоколадо, сладолед, алкохолни или безалкохолни пијалоци.
Кафето не само што е најпопуларен пијалок на светот, туку игра и голема улога во меѓународната трговија. Со кафето се тргува на берзата во Њујорк и Лондон.
Во светот на бизнисот, кафето, веднаш после нафтата е производ со кој најмногу се тргува.
Америка е најголем потрошувач на кафе, а најмногу кафе по жител се пие во скандинавските земји.
Би можело да ве интересира:
Препорачуваме
Најчитани неделава
