Филмови и серии кои ги надминаа книгите според кои се снимени

Sharp Objects

Истоимената книга е дело на Џилијан Флин – авторката на многу популарната Gone Girl.

Во серијата, главниот лик е крими новинарка која пробува да го реши убиството на две мали девојчиња во нејзиниот роден град.

Dexter

Dexter е серија за која треба да одвоите многу време за гледање поради бројните епизоди, но приказната ќе ве држи во неизвеснот до самиот крај.

Главниот лик е Декстер, психопат и убиец кој работи како форензичар и убива само криминалци кои неговиот тим не може да ги фати.

Серијата е инспирирана од серијалот книги на авторот Џеф Линдзи.

The Handmaid’s Tale

Маргарет Атвуд е одлична писателка, но нејзината книга The Handimaid’s Tale ни приближно не ја доловува мрачноста на светот што го создала.

Дејството на серијата (и книгата) е сместено во иднина каде што жените повторно ги губат своите права.

Hannibal

Морничавата серија е снимена според книгите на Томас Харис за добро познатиот лик Ханибал Лектор, односно истите книги според кои е снимен и The Silence of the Lambs.

Главниот лик е Ханибал Лектор кој е психијатар, но потајно и канибалистички сериски убиец.

Good Omens

Истоимената книга е дело на единствените Нил Гајман и Тери Прачет и е презабавна.

Но, комичната серија е толку добро направена, што ќе ја изгледате во еден здив.

Главните ликови се демон и ангел кои се здружуваат за да го спречат доаѓањето на антихристот.

Спирова С. | Црнобело