Спортско мавање со снег

sportsko-mavanje-so-sneg-povekjeДодека ние го чекаме првиот снег што како и секоја година сигурно ќе ги изненади надлежните служби, вредните Јапонци веќе го освојуваат...


...светот со нивните натпревари во мавање со снежни топки.

sportsko-mavanje-so-sneg-1

Значи она што сите го правевме како деца и за што секогаш добивавме прекор од возрасните минувачи, во Јапонија се прифати како спорт. Оригиналното име е Yukigassen што во превод е токму „Борба со снежни топки“.

sportsko-mavanje-so-sneg-2

„Утакмицата“ ја играат два тима од по седум играчи на терен со 40 метри должина и 10 метри ширина, со правила стандардизирани од Јапонската јукигасен федерација.

Натпреварот е поделен на три третини од по три минути активна игра со по 1 минута пауза меѓу нив, а секој тим добива по 90 топки за секоја третина. Целта е да се добие противничкото знаменце. За фер и безбедна игра снежните топки се прават со машина.

sportsko-mavanje-so-sneg-3

Топките не смее да се дофрлаат до играчи од ист тим, но може да се дотркалаат по земја или да се дадат рака на рака. Играч кој е погоден од снежна топка излегува од игра, па како дел од одбраната се користат коцки-скривници направени од снег.

sportsko-mavanje-so-sneg-4

Освен истекот на времето една третина може да заврши и поради излегување од игра на сите играчи од еден тим, освојување на туѓото знаменце пред време или вадење на сопственото знаменце, снежната верзија на автогол :)

sportsko-mavanje-so-sneg-5

По 20 години играње во Јапонија овој забавен спорт си најде место и на други континенти, со по некој натпревар во сончевата Австралија(!) и во студената и секогаш расположена за зимски игри Канада. Тие го прифатија со коментар дека по природа јукигасен е канадски во секој поглед.

Таму се подготвуваат и за национален шампионат каде ќе се одредат победниците во машка и женска конкуренција кои потоа со снежни топки ќе ги бранат боите на својата земја на Светското првенство во Јапонија. А штом некој чуден спорт станува популарен, ете ги и Американците да го прифатат.

Нацијата која со потсмев гледа на фудбалот спортува снежни борби во дваесетина сојузни држави!

sportsko-mavanje-so-sneg-7

Не знаеме за вас, но ние уште се трудиме ова да го прифатиме како спорт :)

Па што мислите, ќе се игра ли јукигасен во Македонија?

З.П. | Црнобело

Би можело да ве интересира:

Порано и денес: Колку се променија популарните спортови и спортската опрема во последниот век? Додека денешните тенисери носат минимална облека која не им пречи при играњето, ...
Јога пози секогаш и секаде, хуман гест: Лејла Рамковска е вљубеничка во тоа што го работи (фото) „Имам простор во онлајн група за неколку од вас, кои не сте во можност да платит...
„Моето семејство никогаш нема да го заборави овој гест“ - Кристијано Роналдо трогнат од навивачите н... „Ви благодарам. Јас и моето семејство никогаш нема да го заборавиме овој момент ...

Најчитани неделава

sonovnik-sidebar.jpg