Филмови кои со нетрпение ги очекуваме оваа есен (II дел)

Следниве неколку месеци од годината ќе бидат плодни за филмското платно. Во продолжение на првите 10 филмови кои треба да ја доживеат премиерата оваа есен, уште 10:

11. Trouble With the Curve

Во режија на долгогодишниот продуцент на Клинт Иствуд Роберт Лоренц, бејзбол ловецот на млади таленти кој се пензионира (Иствуд) го прави неговото последно патување да најде нови играчи заедно со неговата ќерка (Ејми Адамс). Џастин Тимберлејк е негов соработник кој е заинтересиран за црвенокосата убавица. Филмот излегува на 28ми септември.

12. Won’t Back Down

Виола Дејвис и Меги Гиленхал играат две мајки кои се решени да го трансформираат јавното училиште на нивните деца кое е во очајна состојба. “Филмот е за две жени кои го прават најдоброто за нивните деца” изјави Дејвис. “Тие нема да се откажат. Ова е доказ за моќта на мајчинството и тоа што ние го правиме и она што треба да го направиме како мајки.” Филмот излегува на 28ми септември.

13. Hotel Transylvania

Адам Сендлер го позајмува гласот на Дракула во овој анимиран филм, со Селена Гомез како Мејвис, неговата ќерка- тинејџерка која, на негово разочарување, се заљубува во човек (Енди Семберг). Поранешната Дизни- дива дури пее и песна заедно со Сендлер и Семберг. Филмот излегува на 28ми септември.

14. Taken 2

ЦИА убиецот Брајан Милс се враќа! Во првиот дел “Taken”, Милс (Лијам Нисон) искрши неколку задници за да ја спаси неговата ќерка (Меги Грејс) од албанската мафија. Во продолжението  Милс се обидува да ја спаси неговата поранешна жена (Фамке Јансен) откако е киднапирана на патување во Истанбул од некои изнервирани Албанци. Филмот излегува на 5ти октомври.

15. Butter

Ние не можеме да веруваме дека се работи за путер - но навистина е така! Џенифер Гарнер ја глуми амбициозната жена од Ајова која наликува на Сара Палин, која води битка со една млада девојка во годишниот натпревар на резбање на путер во нивниот град.

16. Pitch Perfect

Ана Кендрик, Британи Сноу и нашата нова омилена комичарка Ребел Вилсон глумат во овој мјузикл за натпревар во акапела пеење помеѓу колеџите. И не, не е во стил на “Glee”. “Има многу сличности, но ние се надеваме дека нашиот филм доаѓа до израз бидејќи се работи за група на девојки кои не се вклопуваат, а се обидуваат да функционираат заедно”, изјави Сноу. Филмот излегува на 5ти октомври.

17. Frankenweenie

Почнавме да се кикотиме од самото име на филмот. Винона Рајдер се обединува со нејзиниот режисер од “Beetlejuice” и “Edward Scissorhands”, Тим Бартон за оваа анимирана комедија за младо момче кое го оживува своето мртво куче. Филмот излегува на 5ти октомври.

18. The Paperboy

Да, ова е филмот во кој Никол Кидман уринира врз Зак Ефрон. Но, тука има многу повеќе од тоа. Кидман игра улога на неморална девојка од мало гратче која ги шармира и ги убедува еден новинар (Метју Меконахи) и неговиот брат (Зак Ефрон) да му помогнат на нејзиниот другар од затворот со кој се допишува (Џон Кјузак) да биде ослободен од смртна казна. “ ‘The Paperboy’ е забавен” изјави режисерот Ли Даниелс. “Тоа е еротски трилер за тоа кој-го-направил-тоа”. Филмот излегува на 5ти октомври.

19. Argo

 

Ова е филмот кој е виновен за сите муабети околу косата на Бен Афлек. Освојувачот на Оскар не само што го режира, туку и глуми во оваа драма базирана на вистинска животна приказна, која ретко кој ја знае, за акцијата на ЦИА за ослободување на шест Американци заробени во Иран во 70тите години. Афлек е на чело на мисијата, која вклучува снимање на филмот на лажна локација која го претставува Блискиот Исток.

20. Seven Psychopaths

Колин Фарел е надежен сценарист кој е во неволја кога неговиот најдобар другар (Сем Роквел) го киднапира ши-цуто на еден гангстер (Вуди Харелсон) - да, мислиме на малото пуфкасто кученце. Режиран е од добитникот на оскар Мартин Мекдонах, а во филмот се појавуваат и Кристофер Вокен, Аби Корниш и ѕвездата од “Precious” Габури Сидибе. Филмот излегува на 12ти октомври.