Рис Витерспун ги задржала сите аутфити, се породила пред снимање - 8 тајни за „Легално Русокоса“

Колку пати и да сме го изгледале филмот, немаме проблем одново да ја гледаме нашата омилена адвокатка во својот розов костим и да застане во судницата. Но, сигурно има некои тајни кои не ги знаете за филмот „Легално русокоса“ - прочитајте во продолжение. 

Првиот дел на овој филм излезе уште во 2001 година и стана еден од најгледаните филмови особено за женската популација.

Секоја вечер помината со нашите пријателки задолжително налага еден ваков филм кој ќе нè расположи и релаксира.

8 тајни кои ни најголемите фанови на овој филм не ги знаат:

Актерот Метју Дејвид, кој го глуми арогантниот дечко на Рис, бил заљубен во неа

Ворнер, богатиот дечко на Рис кој ќе ја откачи откако ќе замине да учи на Харвард, кој го глумеше актерот Метју Дејвид, при едно интервју призна дека уште одкако бил тинејџер на 15-годишна возраст ја симпатизирал неговатата колешка, познатата актерка Рис Витерспун.

На почетокот на снимањето бил толку срамежлив што продуцентите морале да го тргнат настрана за да се уверат дали е сè во ред.  

Харвард не бил дел од планот на Ел

Според истоимената книга, ликот на Ел воопшто не заминува да учи право на Харвард туку се сели во Лос Анџелес, Калифорнија за да студира на универзитетот Стенфорд.

Но откако универзитетот Стенфорд одбил да биде дел од филмот, локацијата била променета и на тој начин Ел завршува на познатиот Харвард.

Но, сцените од филмот не се снимани во познатитот универзитет туку во Институтот за Технолгија во Калифорнија.

Филмот е базиран на истоимената книга

Објавена во 2001 година, оваа книга е напишана според животот и искуствата на авторката Аманда Браун и нејзините години поминати на Универзитетот Стенфорд.

Дури и сценаристите на филмот го посетиле кампусот на Стенфорд за да напишат реалистично сценарио кое одговара на истоимената книга.

Авторката на книгата за кратко време по објавувањето го напушта факултетот за да се посвети на нејзината вистинска љубов - пишувањето.

Ликот на Ворнер е базиран на познатиот американски претседател Џорџ Буш        

Иако навидум ликовите на Ворнер и неговата нова девојка потсетуваат на претседателот Кенеди и неговата сопруга Џеки Кенеди, всушност глумецот Метју црпи инспирација од претседателот Буш кој за време на снимањето на филмот бил во својата прва кандидатура.

Во завршната сцена Ел носи перика

Последната иконска сцена каде Ел држи говор и сите дипломци ги фрлаат своите капи триумфално во воздух е всушност сцена која е преработена откако оригиналната завршна сцена не била добро прифатена од тест публика.

Поради работата на друг филм, актерката Рис Витерспун ја скратила својата коса и за оваа сцена била приморана да носи перика. 

Витерспун ги задржува сите костуми на Ел

Актерката добила дозвола да ги задржи сите уникатни костуми на познатата Ел од првиот и вториот дел на филмот. Да, дури и розовиот костум на зајче.

Рис Витерспун jа доби својата ќерка веднаш пред да почне снимањето на филмот

Пред да започне снимањето на овој култен филм, актерката Рис Витерспун имала 25 години и се породила со својата ќерка Ава која денес е вистинска копија на својата славна мајка.

Актерката за интервју изјавува дека често се појавувала на сет недоволно одморена поради тоа што дома ја чекало новороденче кое често било болежливо.

Покрај филмот, постои и музикал на Бродвеј со истото име

Мјузиклот кој се прикажува на Бродвеј од 2007 година со исто име, има и посебна песна, посветена на потегот кој загарантирано ќе ви донесе состанок со вашата симпатија.

Кога Ел и го покажува овој потег на својата пријателка од салонот за убавина во филмот е прикажана само кратка верзија на песната.

Доколку сакате да ја погледнете целосно побарајте го мјузиклот за истоимениот филм.

К. Д. | Црнобело