Како режисерот Вес Андерсон ги прави најуникатните и визуелно највпечатливи холивудски филмови?

Симетрија, пастелни бои и впечатливи реквизити - кои се тајните на Вес Андерсон, еден од најдобрите режисери на денешницата, за неговите уникатни и визуелно впечатливи филмови?

Вес Андерсон е познат по филмовите како Isle of Dogs, The Grand Budapest Hotel и The Royal Tenenbaums. Овие филмови се добитници на многу награди и не само што се необични и интересни, туку се визуелно впечатливи со уникатен и препознатлив стил.

Секој филм на Вес Андерсон има богата палета на најчесто пастелни бои и кадри во кои внимателно е запазен секој детаљ од дизајнот на костими и шминката, до дизајнот на целокупниот сет - естетика што претставува храна за очите.

Но, што е тоа што во овие филмови го задржува вниманието и причинува вистинско задоволство?

1. Симетрија и рамна композиција

Во повеќето филмови може да се забележи совршена симетрија не само во архитектурата, туку и во поставеноста на актерите во еден кадар.

Може да се забележи дека секој објект е подреден под рамна линија.

Стенли Кјубрик, кој исто така е познат по принципот на симетрија во своите филмови, претставува инспирација за Андерсон.

2. Реквизити

Андерсон внимава на секој детаљ до ниво на перфекција. Реквизитите кои се користат совршено се совпаѓаат со палетата на бои и симетријата во кадарот.

3. Палета на бои

Пастелните бои се синоним за филмовите на Андерсон.

Секој негов филм има препознатлива и впечатлива палета на бои, внимателно избрана според чувствата кои треба да ги предизвика кај гледачот.

4. Изборот на музика

Покрај визуелните аспекти, музиката е уште еден важен елемент на неговите дела.

Режисерот користи музика од Дејвид Боуви, Ramones, Ван Морисон, Rolling Stones, Иги Поп и други познати музичари и групи од 1960-те до 1980-те години, што создава чувство на носталгија.

5. Дизајнот на целиот сет

Сетот во целина е една прекрасна композиција на бои, форми и детали. Овој визуелен идентитет е постигнат во соработка со графички дизајнери.

Обично, целокупниот сет е дизајниран во согласност со ликот кој се прикажува, со цел да одговара на неговата личност и приказна.

6. Изборот на фонтови

Еден од омилените фонтови на Андерсон е Helvetica, едноставен фонт кој над 50 години доминира во светот на дизајнот и е користен од страна на познати брендови.

Меѓу покористените се Futura, Didot и Tilda. Низ разни сцени и самите ликови често пишуваат, што ја изразува неговата љубов кон типографијата.

А.Т. | Црнобело