Совети за безгрижно и безбедно пливање за време на менструалниот циклус

Не носете влошки додека пливате. Со пливањето се намалува способната на тампонот да впива течности.

Пливањето за време на менструалниот циклус е целосно изводливо. 

Пливањето е всушност одличен начин за ублажување на ПМС-от и грчевите, како и за подобрување на расположението.

Пред да влезете во вода прочитајте неколку практични совети како безбедно да пливате за време на менструалниот циклус:

Не користете влошки

Бидејќи влошките имаат супер впивачка моќ, нема смисла да ги носите додека пливате, бидејќи ќе впијат еден тон вода.

Освен што не изгледаат добро, не се ниту хигиенски.

Користете тампони, но само доколку и претходно сте ги користеле

Многу поудобно ќе се чувствувате доколку сте навикнати на тампоните.

Се препорачува тампонот да се замени веднаш по излегувањето од вода, бидејќи неговата способност да ја апсорбира менструалната крв слабее со апсорпцијата на вода за време на пливањето.

Внимавајте само да не се случи врвката од тампонот да не „ѕирка“ од под костимот за капење.

Можете да ја скратите со ножици, но не премногу за да немате проблеми при вадењето.

Изберете добар костим за капење

За време на менструацијата најдобро е да носите костим за капење во потемна боја, па во случај да се случи протекување помалку ќе се познава. 

Најважно е да изберете костим за капење во кој ќе се чувствувате удобно и кој доволно добро ќе ве покрие во долниот дел. 

Така ќе бидете посигурни дека ништо нема да ви протече и ќе бидете поопуштени.

Носете шорцеви

Доколку ви е потребна дополнителна заштита и ви е непријатно да седите само по костим за капење додека ви трае циклусот, облечете си шорцеви кои исто така ќе бидат во темна боја.

Менструалните чашки се сѐ попопуларни

Добра замена на тампоните се менструалните чашки.

Менструалните чашки се изработени од флексибилни материјали како латекс или медицински силикон и се наменети за повеќекратна употреба.

Поради материјалот од кој се изработени воопшто не впиваат вода, а доколку се правилно наместени нема да дојде до истекување.

Ваквите чашки единствено не се препорачуваат на жени кои немале сексуални односи или жени кои имаат некаков гинеколошки проблем.

С. Ш. | Црнобело / фото: Freepik