Проверени начини како културно да ги избркате гостите кои седат предолго

Да бидеш добар домаќин е исто толку важно како и да бидеш добар гостин.

Но, што кога гостите не знаат колку е доста? Како на културен начин да им дадете до знаење дека е време да си заминат?

Прв начин е уште пред забавата да почне, да нагласите дека собирот започнува во 18 часот и ќе трае до 20 или 21 часот, бидејќи утредента сте на работа или ве чекаат други обврски.

Ако тоа не успее, еве што може суптилно да направите:

- Понудете им дали сакаат нешто да им спакувате за дома. На тој начин сте културни, но истовремено и најавувате дека на седенката ѝ се ближи крајот.

- Предложете им забавата да се префрли на друго место. На пример, може да предложите ново место за уште едно последно „живели“ или добар локал со прекрасни десерти како финиш.

- Спомнете го времето. Трикот во кој ќе погледнете во часовникот и ќе искоментирате колку брзо ви пролетало времето, секогаш пали.

- Одглумете главоболка и кажете дека мора да прекинете со алкохолот и да се префрлите на апче со вода, за сабајле да немате последици.

- Зевнете неколкупати. Секако, ова не важи ако собиранката се одвива сред бел ден.

- Почнете да си ги обавувате ситните домашни задачи кои го навестуваат крајот. Може да ја стишете музиката, да кренете неколку чинии и слично.

М. Д. | Црнобело