Која е работата од соништата на Европејците (и Македонците), според пребарувањата на Google?

Google сподели мапа создадена според 12-месечни податоци од пребарувањата и која покажува за какво работно место сонува мнозинството од некоја држава. Која е работата од соништата на Македонците?

Да се има работа од соништата е нешто што е заедничко за повеќето луѓе ширум светот. Европа не е исклучок. Луѓето од различни европски земји имаат различни идеи за тоа која е нивната идеална работа.

Во зависност од нивните интереси и аспирации, некои можеби претпочитаат креативни работни места, додека други можеби сакаат нешто поструктурно.

Google сподели мапа создадена според 12-месечни податоци од пребарувањата и ги прикажува имињата на земјите и каква е работата од соништа на луѓето од таа земја. Од 20-те најпосакувани работни места во светот, пилот, писател, танчер, јутјубер и претприемач ги зазедоа првите пет места.

Која е работата од соништата во земјите од Европа:

1. Македонија - програмер

2. Бугарија, Унгарија, Србија, Норвешка, Романија, Шведска, Финска, Белорусија, Данска, Холандија, Естонија, Грузија, Ерменија - писател

3. Турција, Австрија - актер

4. Ирска, Црна Гора, Кипар, Молдавија - пилот

5. Португалија - пожарникар

6. Шпанија - инфлуенсер

7. Италија, Луксембург - претприемач

8. Монако, Франција, Швајцарија - адвокат

9. Чешка, Словачка - јутјубер

10. Германија - професор

Целата мапа од Европа:

Овде може да ги видите и мапите со работата од соништата за луѓето од земјите на другите континенти.

M. Г. | Црнобело