10 бон-тон грешки заради кои не напредувате во кариерата, низ илустрации

Не ги критикувајте и не ги озборувајте колегите, внимавајте како комуницирате... Знаете ли на кои бон-тон правила мора да внимавате ако сакате да се покажете како вистински професионална личност и да напредувате во кариерата?

Напредокот во вашата кариера не зависи само од добрите резултати што ги покажувате на работното место туку и од тоа колку сте почитувани.

Погледнете во продолжение на кои важни правила на однесување треба да внимавате, доколку сакате да напредувате во кариерата:

Не дискутирајте премногу за облеката и изгледот на колегите

Ова е дозволено само ако ви е таква работата. Во сите други случаи, станува збор за некултурно однесување и озборување.

Вашата работа е да бидете сконцентрирани на професионализмот на вашите колеги, а не нивниот изглед.

Деталите од договорите не ги праќајте во пораки на социјалните мрежи, туку побарајте мејл

Наместо да го трошите времето на соработниците и клиентите, да ве чекаат додека да им ги напишете сите детали за договорите, најдобро е да побарате мејл адреса и во порака да ги соберете сите информации.

Запомнете – апликациите за допишување се наменети за кратки пораки, а сѐ што е пообемно се испраќа на мејл.

Просторот за одмор не е приватна канцеларија

Просторот за одмор е наменет за вработените да одморат и да се опуштат, и тоа не само за една личност, туку за сите. Затоа мора да се почитуваат одредени правила.

Нема потреба да водите приватни разговори на цел глас во просторијата за одмор додека другите колеги ве слушаат.

Подобро е ова време да го искористите за да се спријателите со колегите и да размените идеи. Кога сте во оваа просторија, потрудете се да не бидете премногу гласни за да не им пречите на другите што сѐ уште работат.

Не ги критикувајте колегите

Потрудете се на културен начин да им укажете на колегите каде грешат и запомнете дека тоа не треба да го направите јавно и пред сите.

Постои голема разлика од обидот да му се помогне на колегата, до јавната критика.

Потрудете се секогаш да го пофалите колегата за тоа што го прави правилно и понудете му помош за оној дел каде што сметате дека му треба помош.

На овој начин само ќе покажете дека сте вистински професионалци.

Не им се јавувајте на колегите и претпоставените по работното време под изговор дека имате итен проблем

Пред да им се јавите на колегите и претпоставените, размислете добро дали навистина станува збор за итен проблем и дали не може да почека.

Потоа најдобро е прво да пратите СМС порака и да прашате дали смеете да се јавите, за да му дадете време на соговорникот да се подготви за разговорот.

Продолжува на следната страница...