5-те најголеми маки на докторите во Македонија и светот

На докторите на моменти им е потребна магија за да функционираат правилно во системот од кој се дел. Понекогаш бирократијата, понекогаш политиката, понекогаш недостигот од персонал, понекогаш ограниченоста на средствата прават големи проблеми за нив.

Да се биде доктор е навистина хумана и ценета работа, но кои аспекти ја прават оваа професија на моменти тешка?

Што им паѓа најтешко на докторите?

Функционирање во лошо поставен државен здравствен систем

На докторите на моменти им е потребна магија за да функционираат правилно во системот од кој се дел.

Понекогаш бирократијата, понекогаш политиката, понекогаш недостигот од персонал, понекогаш ограниченоста на средствата прават големи проблеми за нив.

Се случува во сурови услови да се борат да го истретираат пациентот најдобро што можат.

Справување со неблагодарни пациенти и роднини на пациенти

Понекогаш токму оние на кои најмногу им е потребен доктор се оние кои на тој доктор му предизвикуваат главоболки.

Од неподготвеност за соработка до неблагодарност... Се случува пациенти да одбиваат да ги слушаат јасно дадените совети, па да гуглаат лекови на интернет, па да се жалат од третманот на социјалните мрежи и дури и да ја извртат вистината.

Запомнете дека и докторите се луѓе со емоции и ограничено трпение. Тие работат напорно и за нив некогаш многу значи и само еден збор за благодарност и една насмевка.

Долги работни часови

Кога ќе ја изберат професијата, докторите понекогаш не размислуваат за тежината на дежурствата и на долгите работни часови.

Колку повеќе се посветени на професијата, толку помалку имаат време да обрнат внимание на другите аспекти од нивниот живот, па често се случува да го запостават приватниот живот, како партнер и деца.

Работата како доктор комплетно ви го окупира и дефинира животот.

Колеги кои се „волци во овчо руно“

Ова е дефинитивно еден од најфрустрирачките аспекти на работата, кога луѓе во исти бели мантили, како и тие, им прават сопки.

Од завидливи колеги до лошо поставени луѓе на раководните функции, докторите секој ден мораат да се соочуваат и справуваат со нив.

Смрт насекаде околу нив

Не сите приказни имаат среќен крај, особено за одредени гранки од медицината, па докторите мора да се соочуваат со смрт на пациенти на редовна база.

Можеби мислите дека се навикнуваат со текот на времето, но вистината е дека смртта на секој пациент ги погодува дури и најискусните доктори.

С. С. | Црнобело / фото: depositphotos.com